Îtalyayê bang li Yekîtiya Ewropayê dike ku bila bi erkê xwe rabe çêtir e sedama hebûna xwe winda bike. Fransa jî piştgiriya xwe bi Îtalyayê re ragihand. Amerîka jî li hember vîrûsê dest bi tevgerên mezin dike.
Serokwezîrê Îtalyayê, Giuseppe Conte, îro bang kir ku divê planeke Ewropî mezin were kirin ji bo ev alozî derbas bibe û aboriya Ewropî vegere ser lingên xwe.
Giuseppe Conte got, divê welatên Ewopî negihin asta girtina bijarteyên trajedî û Yekîtiya Ewropa hişyar kir ku dijî vîrûsa Coronayê şaştiyên mezin neke, çêtir e ku yekîtî sedema hebûna xwe winda bike.
Serokê Fransayê Emanuel Macron jî diyar kir ku welatê wî amade ye alîkariya Îtaliya bike.
Macron got:
Eger em alîkariya hevkarên xwe yên Ewrûpî nekin, dibe ku welatên mîn Îtaliy û Spaniya bêjin; hûn li kûderê bûn dema em li eniyê bûn.
Tê zanîn jî, ji bo rûbirûbûna coronayê, Rûsya 15 balafir û derdora 100 pisporên leşkerî, her wiha Çînê jî balafireke bi devpoşk û amûrên bêhinkişandinê, şandibûn Îtalyayê.
Li gelek bajarên Ewropa, maseya kirîzê hat avakirin
Meclîsa Gelê Kurd a li Brîtanyayê, li dij vîrûsa corona li gelek bajaran û li 6 herêmên Londonê maseyên krîzê ava kirin.
Maseyên krîzê wê weke qadeke ya alîkariyê bide kesên di malê de û kesên hewcedarî alîkariyê.
Kesên xwedî pêwîstî wê li ser qenalên hatine diyarkirin xwe bigihînin navendên krîzê.
Maliya maseya kirîzê wiha ye:
Mail: [email protected]
Trump: Em ê 100 hezar amûrên bêhinkişandinê hilberînin
Piştî xemsariyeke dur û dirêj, Amerîka niha li hember vîrûsa Corona navhev ketiye.
Vîrûsa ku li piranî Eyaletên Amarîka belav bûyî di demeke kin de bandora xwe da hîskirin.
Ji bo pêşîgirtina vîrûsê jî rêverbiya Amerîka tedbîrên hişktir digre.
Serokê Amerîkayê Donald Trump ragihand ku welatî wî dê 100 hezar maskan ku di 100 rojên bê de hilbirîne.
Ji bo alîkariya hêzên ewlehiyê jî, Trump biyar da ku leşkerên destek jî bikivin tevgerê.
Her wiha ji bo aboriya welat ji bandora tedbîrên vîrûsa Coronayê vegere ser lingên xwe, Trump 2 Tirlyon dolar destnîşan kiriye.
Ev yek jî di dîroka Amerîka de boçeya herî mezin ya alîkariyê ye ku hatî destnîşankirin.
