Di demeke ku cihan li ber vîrûsa Corona dinale, şêniyên rojava li gorî derfetên xwe alîkariya hevdu dikin.
Bi taybet niha Dirbêsiyê û xelkê wê mînak berbiçav ya vê yekê pêşanî herkesî dike.
Piştî maskeyan, dikandar Ciwan Cemal jî 800 kîsên nan, li kesên pêwistiya wan bi alîkariyê heyî belav kir.
Ciwan Cemal weke gelek kesên li Bakur û Rojhilatê Sûrî alîkariyên mirovî dide şêniyan.
Ji xwe qedexeya derketina derve jî di çarçoveya tedbîrên ku vîrûs derbasî herêmê nebe hate girtin.
Malbatên ku rewşa wan ya aborî lewazin, hîn zêdetir pêwistiya wan bi alîkariyê çêbû.
Ji ber vê yekê jî xêrxwazê binavê Ciwan Cemal ê ji navçeya Dirbêsiyê ku xwediyê dikanekê ye 800 tûrên nan li şêniyan belav dike.
Ciwan dibêje ku wî dest bi vê însiyatîfê kiriye da ku alîkariya malbatên xizan bike.
Şêniyê ji Dirbêsiyê ku xwediyê marketeke zimhêrê ye dibêje ku wî tu malbat vala venegerandiye.
Beriya du rojan jî me Şoreş Şêxdawid ê ji gundê Qermanê yê bajarê Dirbêsiyê jî ku bi erkeke exlaqî radibû biwe dabû naskirin.
Şoreş Şêxdawid jî weke bi sedan kes alîkariyê di vê rewşê de dike.
Şoreş 2000 maskên parastina ji verûsa Coronayê çêkiribû û li gundiyan bê pere belav kir.
Di wextekê de ku divyabû her kes alîkariyê bike hejmarek biçûk ji kesên dewlemend û bazirgan kesbaziyê di vê rewşê de dikin.
