Piştî NY, Yekîtiya Ewropayê jî banga agirbestekê li tevahiya Sûriyê kir û ji Hikumeta Şamê xwest ku girtiyên li gel xwe serbest berde.
Hikumeta Şamê jî weke rêkarên li dijî belavbûna vîrûsa Coronayê, biryara xizmeta leşkerên yedek anku Ihtîyat û Ihtîfazê ji bo artêşa xwe rawestand.
Roj bi roj bangên navdewletî ji bo girtina rêkarên pêwîst li dijî belavbûna vîrûsa Corona li Sûriyê zêdeitr dibin.
Nemaze ku binesaziya tenduristiyê, ji ber şer, li Sûriyê lawaz û qels e.
Piştî ku hikumeta Şamê ragihand ku heta niha 5 rewşên vîrûsa Coronayê li Sûriyê û bi taybet li herêmên di bin kontrola rejîmê de hatine tomarkirin, metirsiya belavbûna vîrûsê zêdetir bû.
Ev rewş ji bo aliyên navdewletî jî bû cihê fikarê, herî dawî YE bi daxuyaniyekê banga agirbestekê li tevahiya Sûriyê kir.
YE got:
Agirbesta ku li Idlibê hatiye ragihand pir rizî û lawaz e.
Ji bo rêgirtina li ber vîrûsa Corona, divê bi taybet li Idlibê, agribeste li Sûriyê bê ragihand.
Yekîtiya Ewropayê banga serbestberdana girtiyan li şamê kir
Her wiha YE bang li hikumeta Şamê kir ku yekser girtiyên li gel xwe serbest berde.
Duh jî Meclisa Sûriya Demokratîk MSD bang li hemû aliyên Sûrî kir ku girtî û kesên revandî berdin û çarenûsa kesên wenda eşkere bikin.
Beriya YE, NY jî banga agirbesteke giştî li tevahiya Sûriyê kiribû.
Hêzên Sûriya Demokratîk weke yekem hêza leşkerî li Sûriyê, tevlîbûna xwe ji bo pêşinyara NY nîşan da û tekez kir ku ew ê li gorî rewşa xweparastina rrewa tev bigerin.
NY jî pêşwazî li briyara QSD’ê kir.
Hikumeta Şamê biryara leşkerên yedek û ihtîfazê rawestand
Ji aliyê xwe ve hikumeta Şamê wek rêkar li dijî belavbûa Vîrûsa Coronayê, biryara xizmeta leşkerên yedek anku Ihtîyat û Ihtîfazê ji bo artêşa xwe rawestand.
Hikumetê destnîşan kir ku 7’ê Nîsana bê ev rêkar dikeve meryetê.
Dawiya vê mehê çûnûhatina navbera parêzgehên Sûriyê de radiweste
Di heman çarçoveyê de dawiya vê mehê biryara qedexeya çûnûhatina navbera parêzgehên Sûriyê de, ku beriya niha hikumeta Şamê ev biryar girtibû, dest pê dike.
