Metirsî û xeteriya vîrûsa Coronayê azarên gelê Sûrî ku ev 9 sal in di nava şerê navxwe de digevize zêdetir dike.
Piştî ku yekem rewşa mirina bi vîrûsa Coronayê li Sûriyê ji aliyê hikumeta Şamê ve hat ragihand, Çavdêriya Sûrî ya Mafên Mirov bi raporekê diyar kir ku gelê Sûrî, ji bilî şer û azarên wê, êdî bi metirsiya vîrûsa Coronayê re jî rû bi rû maye.
”Hîna ji aloziyekê derneketine, di nava aloziyeke din de digevizin.”
Bi vê naverokê, Çavdêriya Sûrî ya Maêfn Mirov bal kişande ser rûbirûbûna gelê Sûrî bi metirsiya Vîrûsa Coronayê re.
Çavdêriya Sûrî ku navenda wê li Birîtanyayê ye, bi raporekê destnîşan kir ku aloziya belvabûna vîrûsa Coronayê, azarên gelê Sûrî zêdetir kir.
Çavdêriyê di rapora xwe de got:
Vîrûsa Corona gelek azar û kirîzên nû li pêşberî gelê Sûrî derxistin.
Ev gelê ku hîna ji aloziyekê xelas nebûye, îro roj xwe di nava aloziyeke din de dibîne.
Çavdêriyê di rapora xwe de hin rewşên zehmet ku niha gelê Sûrî û bi taybet ên li herêmên şer jiyan dike wek mînak diyar kirin.
Çavdêriya Sûrî: Ji ber Corona li Idlibê keysbazî tê bikaranîn
Çavdêriyê tekez kir ku hin kes li bakurê Idlibê kiriya malan buha kirine û bi vê yekê malbatên Idlibî yên ku li ser sînorê navbera Idlib û Tirkiyê de ne, bê cih û war mane.
Li rex wê jî buhayê kel û pelan û her wiha yê konan ku di bazar keyspasiyê de derfetên gelê Sûrî derbas kiriye.
Duh Wezareta Tendurisiyê ya hikumeta Şamê yekem rewş ku bi vîrûsa Coronayê li Sûriyê mir ragihand.
Li gorî wezaretê jineke ku bi vîrûsê ketibû, jiyana xwe ji dest da.
Heman wezaretê destnîşan kir ku hejmara kesên bi vîrûsê ketine bilind bû û bû 9 kes.
Beriya wê jî û ji bo rêgirtina li ber belavbûna vîrûsa Coronayê hem NY û hem jî YE banga agirbesteke giştî li Sûriyê kiribûn.
