Li seranserê Cihanê dimenên ku tên parvekirin, metirsiya heyî radixe ber çavan.
Li hinek welatan artêş ketiye nava bajar û tedbîrên ji bo vîrûsê digrin, li hinek bajaran jî ji bo moraldayîna xebatkarên tenduristiyê avahî têne xemilandin.
Ji parzemîna Asya heta Ewropa, ji Ewropa jî heta Amarîka û Afrîka cihan ketiye nava seferberiyê.
Vîrûsa Corona ti rengîn ji cihanê ne hiştiye.
Tevgera heyî bi carekê daye rawestandin û piştî şerê cihanê yê 2. yekem care ku leşker dadikevin kolanê hinek bajaran.
Parzemîna Amerîka ku ji ber vîrûsê bêçare maye, artêş daxistiye bajar.
Bi piştavaniya artêşê li navenda New Yorkê nexweşxaneyek hat avakirin.
Di nexweşxaneyê de 1200 cihên razanê heye.
Her wiha xebatkarên kampayna Amazon ji ber xebatên wan yên li New Yorkê, bertek nîşan dan.
Di nava rewşa aloz de serokê DYA Donald Trump bangên arambûnê li herkesê kir.
Trump got, ewê xwediyê wê hêzêne ku ji belaya vîrûsê rizgar bibin.
Ji bo moralgirtina xebatkarên tenduristiyê jî li binayetên herî bilind yên New Yorkê rengê sor û spî xemilandin.
Polîsên Bolîvya bi rengên cuda balê dikişînin ser vîrûsê
Li Bolîvya jî polîs ji bo balê bikêşîn ser metirsiya vîrûsa Corona cilên ku vîrûsê nîşan dikin, li xwe dikin.
“ELN” li Kolombiya ji bo mehekê agirbesta yekalî ragihand
Artêşa Rizgariya Neteweyî (ELN) ku weke tevgera dawî ya gerîla ya li Kolombiyayê tê dîtin, ji ber vîrûsê bi rengekî yekalî ji bo mehekê agirbest ragihand.
Piştî parzemîna Amarîka, parzemîna herî zêde ji vîrûsê bandor bûyî Ewropaye.
Li Ewropayê jiyan rawestiyaye.
Kolan vale ne û nexweşxane ji nexweşan tejî bûne.
Dimenên ji Îtalya metirsiyê radixe ber çavan
Welatên cihanê ji bo bi Îtalyare bibin alîkar, derman û xebatkaran şandin welêt.
Tîma destwerdana ji bo Vîrûsê ya Rûsya ku li Îtalyayê ye, dest bi dermankirina li dijî vîrûsê kiriye.
Her wiha tîmên Rûsya cihê kesên temenmezin jî derman kirin.
Dîmenên ku ji nexweşxaneyeke lezîn ya ji bo vîrûsê ku li Roma hatî çêkirin de tê xuyakirin ku jimara kesên bi vîrûsê ketine pir zêde ye.
Pêwistiya Fransiya bi maske heye
Rewşa li Fransa ji ya li Îtalya ne dure.
Bi taybetî di peydakirina maskeyan de zehmetiyan dibîne.
Balefira Çînê ya ku bi milyonan maske têde bûn, li balefirxaneya Vatry ya Fransa daket.
Li Çînê jiyan normal dibe, Japonî ji bo maskan ketine rêzê
Her çiqasî nîşaneyên tabloyan nebaş hebin jî, lê li Çînê piştî 4 mehan ji tedbîrên tund, jiyan disan aram dibe.
Li kolanên payetexta Çîn Pekînê xelk careke din li kolananin.
Li Japonya piştî ku leyîstokên Olimpiyata 2021 hate paşxistin, îro bihezaran kes bi hêviya girtina maskeyan li ber dikanan rêz bûn.
Misrî bi yek dengî ji “mal dernekevin”
Li Afrîka jî li dijî vîrûsê bang têne kirin.
Dibe ku cara yekem be, piramîdên Misrê ji bo nexweşiyekê tê xemilandin.
Li ser pramîdan tenê daxwaza mayîna di malde tê kirin.
