Leyla Guven: Kesên ji xwe re dibêjin “Ez mirov im” vî tiştî nakin

Li dijî awa û rêbazê radestkirina cenazeyê gerîlayê HPG’ê Egîd Îpek, bertekên tund derdikevin. Hevseroka KCD’ê Leyla Guven di vê derbarê de, xwest ku rayedar dev ji êşkenceya li cenazeyan berdin û got: “Cihê vê yekê ne di edaletê de, ne di wijdan û ne jî di mirovahiyê de heye. Kesên ku ji xwe re dibêjin ‘Ez mirov im’ vî tiştî nakin.”

Heta niha gelek cenazeyên zarokên Kurdan, ji aliyê desthilatdariya AKP’ê ve rastî êrîşên cur bi cur hatine, herî dawî jî, cenazeya endamê HPG’ê, Egîd Îpek bû.

Hevseroka (KCD) û Parlamentera HDP’ê Leyla Guven, der barê cenazeya gerîlayê HPG’ê û awayê radestkirina wê ji malbatê re, axivî û diyar kir “ku ji ber polîtîkayên ewlehiyê yên dewletê, Gelên Tirkiyê berdelên giran dan”.

Guven destnîşan kir “ku sedema krîza aborî ya li Tirkiyê neçareserkirina pirsgirêka kurd û girêdayî wê jî şerê ku tê jiyîn e, di nava de nêzîkatiya li dijî cenazeyan jî”.

Leyla Guven got:

Heya pirsgirêka Kurd negihêje çareseriyekê, pirsgirêkên Tirkiyê yên din jî çareser nabin, ji ber wê, divê dest ji êşkencekirina cenazeyan were berdan”.

Leyla Guven, ev kirina sosret bi tundî şermezar kir û anî ziman ku “cihê vê, ne di edaletê, ne di wijdan û ne jî di mirovahiyê de heye.

Kesên ku ji xwe re dibêjin mirov, vî tiştî nakin. Jixwe kesên vî tiştê dikin jî, diyar e ne mirov in.”

Navenda Komeleya Hiqûqnasan: Ji bo Egîd û malbata wî, em ê serlêdanên hiqûqî bikin

Her wiha Navenda Giştî ya OHD’ê jî, bal kişand ser heman mijarê û diyar kir ew ê li dijî vê yekê, li qada neteweyî û navneteweyî, bikeve nava hewldanan.

Navenda Giştî ya OHD’ê got:

“Ji dîmenê cenazeya di destê dayîka wî de, xuya dibe ku çi qasî nebaşî ji rêzê bûye.. Ev jî tê wateya tune-hesbandina hebûna gelê Kurd.”

Back to top button