Hevseroka Desteya Ekolojî û Şaredariya Herêma Firatê Ruşîn Mehmud li ser Ekolojî û nexweşiyên van salên dawî de derketine nirxandin kir û diyar kir ku zêdebûna kargehên teknîkê û pêşketina teknolojiyê hêdî, hêdî xwezayê ber bi xirabûne ve dibe.
Ekolojî zanistek e ku têkiliyên jiyanê bi hawîrdorE wan re lêkolîn dike.
Jîngeh hawirdoreke ku ji hêmanên wekî hewa, av, ax û ronahiyê pêk tê.
Kargehên teknîk û teknolojiya pêşketî, hilweşandina ekolojîyê bi xwe re tîne.
Zêdebûna kargehên teknîkî û madeyên kîmyewî dibin sedema xirabûna gerdûn û jiyanê.
Derbarê vê mijarê de Hevseroka Desteya Ekolojî û Şaredariya Herêma Firatê Ruşîn Mehmud nirxandin kir.
Ruşîn hevsengiya xwezayê çawa xirab bûye û çawa bandor li tenduristiya mirovan kiriye vegot:
Piştî şoreşa kargehên teknîkî, şaş-bikaranîna xwezayê hişt ku hevsengiya xwezayê xirab bibe.
Vê yekê jî jîngeh ber bi tunebûne ve bir. Li ser tenduristiya mirovan jî bandorek neyinî çêbû.
Zêdebûna mirovan çêbû, qeyrana aborî dest pê kir û daristan hatin tune-kirin.
Ruşîn derbarê tunekirina daristanan û bikaranîna çekên kimyewî ev tişt anî ziman:
Zêdebûna mirovan jî li ser xwezayê bandor kir. Ji ber ku êdî mirovan ji bo berjewendiyên xwe xweza bi kar anî.
Kargeh zêde bûn, daristan hatin tunekirin, Xirab-kirina daristanan hişt ku cihê lawiran tune bibe.
Di heman demê de dewlet jî ji bo berjewendiyên xwe çekên kimyawî derdixin ev jî li ser xwezayê û mirovan bandor dike.
Sedema zêdebûna bakterî û virûsên cîhanê û bandora xwe li ser jiyana lawir û mirovan jî ev in.
“Di sedsalên dawiyê de nexweşî zêde bûne”
Ruşîn bal kişand ser Virusa Korona, bandora li ser xwezayê û wiha bi dawî kir:
Virusa Korona jî bi destên dewletên desthilatdar hatiye çêkirin û li ser tevahî cîhanê bandorek neyînî çêkir.
Dewlet niha ji ber vê nexweşiyê neçar mane, nikarin pêşiya wê bigirin.
Wek saziya ekolojiyê ji bo ku em parastina gelê xwe bikin, me bi lez bi şaredariyê re xebat dan meşandin.
