Vîrûsa Corona heta niha derbasî nêzî 3 milyon kesan bûye û dawî li jiyana nêzî 200 hezar kesan aniye. Di atmosfera corona de, doh rojiya remezanê ya cîhana îslamî, destpê kir.
Lê vîrûsê rê û resmên rojiyê bi temamî guhertin. Mizgeft valane û nimêja terawîhê ya ku bi hezaran kes kom dibûn û bi hev re nimêj dikirin, tenê bi çend kesan tê kirin.
Rojiya Remezanê ya cîhana îslamî, dest pê kir…
Lê ji remezana par û heta remezana îsal ti tiştek weke berê nemaye…
Rojiya remezanê ya îsal di rewşekê de hatiye ku hemû cîhan di bin bandora vîrûsa corona de ye.
Misilmanên cîhanê jî para xwe ji bandora vîrûsê girtin.
Îsal li seranserê cîhanê rê û resmên rojiya remezanê ne weke salên derbasbûyî ye.
Ne ti kes dikare fitarên komî çêke û ne jî piştî fitarê weke salên berê serdana xizim, cîran, dost û hevalên xwe bike.
Li cem misilmanan ya herî balkêş jî nimêja komî ya di mizgeftan de ye.
Lê ji ber metirsiya ji belavbûna vîrûsê hemû mizgeft hatine girtin û nimêja komî jî hatiye qedexekirin.
Mizgefta heram a li Seûdiyê vala maye
Yek ji wan jî mizgefata Heram a li Erebîstana Seûdî ye.
Salane bi hezaran kes piştî fitarê diçûn wir û nimêja terawîhê dikirin.
Lê îsal tenê çend kesên ku li wir dixebitin, bi hev re li wir nimêjê dikin.
Yekem car di remezanê de mizgefta Emewî vala ye
Mizgefta Emwî ya li Şamê jî weke hemû mizgeftên din, îsal remezan bi rengekî cuda pêşwazî kir.
Ji ber tedbîrên li dijî vîrûsa corona, cara yekem di dîrokê, ev mizgeft vala ye.
Mizgeftên Iraqê vala mane
Li Iraqê jî heman rewş heye.
Rojiya Remezanê dest pê kir, lê bi hatina rojiyê re, xelk weke salên borî nikarin, bi rihetî herin mizgefan û nimêja xwe li wir bikin.
Ev jî mizgeftên paytexta Iraqê Bexdayê ne ku ji nimêjkeran vala ne.
Misilmanên Almanya jî di nava tedbîran de dest bi rojiya xwe kirin
Li Ewropa jî gelek misilman hene.
Misilmanên li peytexta Almanya Berlînê jî di nava metirsiya belavbûna vîrûsa corona de dest bi rojiya xwe kirin.
Misilmanên li vir ji bo ku hewaya remezanê weke salên berê hîs bikin daketin kolana ku weke “Kolana Erebî” tê binavkirin, da ku pêdiviyên xwe bikirin.
Li Pakîstanê nimêj di nava tedbîran de hat kirin
Ev der jî Pakîstan e.
Li vir jî nijêma terawîhê di nava tedbîrên li dijî vîrûsa corona de hat kirin.
Vîrûsa Corona ya ku di herî alî de bandor kiriye li bîlançoya qurbaniyên xwe rojane kesên nû zêde dike.
Heta niha li seranserê cihanê zêdeyî 2 milyon û 850 hezar kes bi vîrûsê ketine û ji van jî nêzî 200 hezar kesî jî jiyana xwe ji dest dane.
