Belaya serê mirovahiyê û kabûsa welatên cîhanê vîrûsa corona, hîna jî belav dibe. Ajansa Îstîxbaratê ya Navendî ya Amerîkî (CIA) eşkere kir ku Çînê rê li ber raghandina rewşa awarte li cîhanê di demeke zû de, girtiye.
Gelek alî jî dibêjin, ji bo sivikirina tedbîran hîna zû ye, ji ber ku metirsiya pêla dûyemîn a vîrûsê heye.
Vîrûsa corona ku li cîhanê belav dibe, hîna tiştekê nekariye wê rawestîne û mirovahiyê ji vê kabûsê şiyar bike.
Hemwextî wê şerê li ser vîrûsê jî dewam dike.
Li gorî Kovara Newsweek a Amerîkî, Ajansa Îstîxbaratê ya Navendî ya Amerîkî (CIA) bi raporekê eşkere kir ku, ji bo bêhtir alîkariya tenduristî bi dest bixe, Çînê nehiştiye ku Rêxistina Tenduristiyê ya Cîhanî zû rewşa awarte ya ji ber vîrûsê raghîne.
D raporê de tê gotin ku Çînê ji bo wê jî gef li rêxistinê xwariye ku hemû rengên alîkariya pê re, rawestîne.
Şêwirmendê Qesra Spî hişyaraia pêla duyemîn da
Tevî ku li seranserê cîhanê jimara qurbaniyan 290 hezar derbas kir, hin welatan dest bi sivikirina tedbîran kiriye.
Gelek alî bang dikin û dibêjin ku zûye tedbîr werin sivikirin, ji ber ku metirsiya pêla dûyemîn a vîrûsê heye.
Ji bo wê jî Şêwirmendê Tendurisyê yê Qesra Spî ya Amerîkaya ku herî zêde ji vîrûsê ziyan dîtiye, hişyarî da.
“LI Ewropa bi kêmanî 97 Kurdistaniyan jiyana xwe ji dest daye”
Li Parzemîna Ewropa jî hîna vîrûs bandorê dike.
Li gorî daneyên Kongreya Civaka Demokratîk a Ewropayê KCDK-E’yê ji ber vîrûsê, li Ewropayê heta 6’ê Gulanê bi kêmanî 600 Kurdistanî bi vîrûsê ketine û 97 kes jî mirine.
Dermankirina 40 kesî jî hê didome.
Bernie Sanders: Divê deynên welatên xizan jê bibin
Her wiha di aliyê aborî de jî vîrûsê bandora xwe li seranserê cîhanê kiriye û bi taybet welatên xizan.
Ji bo wê jî zêdeyî 300 parlamenterên ji bîst welatan bang li Fona Pereyan a Navneteweyî (ÎMF) û Bankaya Cîhanê kirin ku, deynê welatên xizan jê bibin.
Nûnerê Demokratan Îlhan Omar û Senatorê Amerîkî Bernîe Sanders pêşengiyê ji vê hewldanê re dikin.
Sanders diyar kir, Bankaya Cîhanê, ÎMF û saziyên malî yên navneteweyî, ji bo pêşîgirtina li xizaniyê, birçîbûn û nexweşiyê ku gefê li jiyana bi sedan milyon mirovî dixwin, divê deynên welatên xizan jê bibin.
Parlamenterên ji hemû parzemînan xwestin, deynê welatên xizan bi temamî bên betalkirin.
Di civîna bilind a G20 de ya meha Nîsanê biryar hatibû dayîn ku deyn bên taloqkirin.
