300 serî pez yê 10 malbatên ji gundê Um El-Xêrê ji hêla çeteyan ve hat dizîn. Jinên li gund dimînin dema ji çetayan pezê xwe xwestin gule bi ser wan barandin û heqaret li wan kirin.
Kiryarên dewleta Tirk û çeteyên girêdayî wê li dijî sivîlên navçeya Til Temirê didomin.
Ji dizî, talanî, revandin û kuştinê bigre heta heqaretê ku li jinan dikin dewam dike.
19’ê gulanê dema 300 pêz yên 10 malbatan di navbera gundê Um El-Xêr û Leylan de ango li ser rêya M4 diçêriyan ji aliyê
çeteyên girêdayî dewleta tirk ve hatin dizîn.
Piştre her 10 malbat berê xwe didin gundê Leylanê, cihê ku çete lê bi cih dibin da ku daxwaza pezê xwe bikin lê dema dighêjin wir, ji aliyê çeteyan ve rastî gotinên ne ji rêzê û heqaretê tên.
Dema ku malbatan israra heqê xwe kirin, çeteyan li ser jinan gul reşandin.
Çete piştre fidyeyê ji her malbatekê ku nirxê pereyên wan jî 500 hezarîye dixwaze.
Bi vî rengî her 10 malbat pere didin ser hev û 5 milyonan kom dikin û didin çeteyan. Tenê ji bo çete keriyê pezên wan li wan vegerînin.
Lê çete derveyî 50 pez li wan venegerandin û niha 250 pez li cem çeteyan ma ne.
Têkildarî mijarê jî şahidên bûyerê axivîn.
Fatima Xitban ku pezê wê jî hatiye revandin weha behsa bûyerê kir:
“Dema ku me pezê xwe li ser rêya M4 diçêrand, ji nişkêve çete derketin pêşiya me û 300 pezê me dizîn.
Dema ku em çûn cem wan daxwaza pezê xwe kir, gule bi ser me de barandin û em qewirandin. Em daxwaza pezê xwe dikin.
Elya Salim Xidir jî ev yek anî ziman û got:
Di meha remezanê de çeteyan pezê me dizîn û em jî li peyî wan çûn. Em bi gotinên ne- rêzê re rûbirû man.
Tenê yê min nêzî 40 serî pez revandin. Ez dixwazim pezê min bidin.
