Çeteyên Tirkiyê, xeta DAIŞ li Efrînê temam dikin

Li Efrîna dagirkirî, rêbazê DAIŞê roj bi roj xwe bêhtir dide der. Piştî kirinên derexlaqî yên çeteyên ‘El-Hemzat’ der heqê jinên Efrînê de, belgeyên kirinên dewleta Tirk a dagirker û çeteyên wê yên 2 salan hatin eşkerekirin, ku heta niha zêdetirî 181 jin hatine kuştin, 290 jî hatine revandin û çarenûsa wan ne diyar e. Ev hemû kirin jî di nava bêdengiya civaka navdewletî û li pêşberî çavên cîhanê pêk tên.

Îro xeta DAIŞê li Efrînê temam dibe..

Herî dawî bi belge, 11 jinên Kurd di girtîgeheke çeteyên El-Hemzatê de hatin dîtin..

Ne tenê ev çete, hovîtî û kirinên derexlaqî xeteke sereke ya tevahî çeteyên dewleta Tirk e.

Di nava 2 salan de, 181 jin hatine kuştin, 290 jî hatine revandin

Navenda Belgekirina Binpêkirinan li Bakurê Sûrî, di raporekê de kirinên çeteyan ên di nava 2 salan de belge kir, ku li gorî wê 181 jin hatine kuştin, 480 birîndar bûne û 290 jî hatine revandin û çarenûsa wan ne diyar e..

Navendê, ragihand ku leşkerên dewleta Tirk 58 jin li ser sînorê Tirkiyê kuştine..

Di nav de 83 zarokên jêrî 14 salî, 460 koçber hatin kuştin û 128 jî birîndar bûne.

Her wiha navendê da zanîn ku çeteyên Tirk 5 hezar û 878 kes revandine, di nav de 290 jin û çarenûsa wan jî nediyar e.

Tenê ji destpêka Gulanê ve, 12 jin hatin revandin.

9 jin bi êşkenceyê hatin kuştin.

Barîn Kobanê û Amara Rênas şehîd xistin û bi cenazeyê wan lîstin.

12’ê Cotmehê jî Hevrîn Xelf şehîd xistin.

Jina Êzdî ya 23 salî Nercês Mîrza Dawûd ji gundê Kîmarê jî li ser destê wan hate kuştin.

Zaroka biçûk Roye Henano Mistefa ya 17 salî ji gundê Xezîwê yê Şêrewa revand.

Çeteyan hewl dane 51 zarokan bi çeteyan re bidin zewcandin.

7 zarok piştî hatine revandin li bajarê Cerablûsê, zewcandin.

13 jin rastî destavêtinê hatine.

Jinek li parkekê li Cerablûs û 3 jî li Efrînê hatin kuştin.

Navê jinên ku hatine revandin jî wiha ne:

Xaliya Hesen

Şêrîn Ebdil Qad

Xedîce Qurê Elî

Emîne Qurê Elî

Heyat Qurê Elî

Fedîle Mihemed

Fedîle Kirîko

Fedîle Sîdo

Heyfa El-Cesêm

Arîn Dilî Hesen

Rûken Mile Tahêr tevî bav, bira û hevjinê xwe ji gundê Coqê hatine revandin.

Tev vê hemû binpêkirinan, civaka navdewletî hîna kor û ker e..

Back to top button