Bariş, şehîdê nasnameya xwe ya Kurdî.. Gunehê wî ew bû ku stranên bi zimanê xwe, li Kurdiya xwe guhdarî dikir.
Êrîş kirin û bi awayekî hovane û bi kêran ew kuştin.. Ev, ji hikumeta faşîst AKP’ê û kirinên wê ne dûr e..
Beriya niha bi hezaran Bariş hatine kuştin û bêyî ku AKP’ê û alîgirên wê werin dadgehkirin, kirinên xwe dewam dikin.
Ez Bariş im..
Gunehê min tune ye..
Li muzîka xwe guhdarî dikim..
Barişê Kurd û sedema kuştina wî ev e..
Her kesî û dinya tev duh kuştina Bariş bi çavê xwe dît û bi guhên xwe bihîst..
AKP’ê di kirin û zextên li dijî Kurdan de gihiştiye lûtkeyê..
Bixwe neke jî, AKP’ê ku bi siyaseta xwe ya qirêj naskirî ye, van zextên li dijî Kurdan, bi gel dide kirin..
Her çi qas xwe di raya giştî de bide xuyakirin ku dewleteke demokratîk e, lê li ser erdê tiştekî wisa tune ye..
Bi hemû hewldanan jî, dixwaze vê rastiya xwe veşêre, lê ji ber rastî ye, ev hewldan bê hûde ne..
Weke tê gotin, benê derewan kin e.
Li wir, li Tikriye û Bakurê Kurdistanê, hemû zext li ser Kurdan tên kirin..
Girtiyan êşkence dikin..
Gor û goristanên Kurdan xera dikin..
Şaredariyên HDP’ê dagir dikin ..
Xwezaya Kurdistanê talan dikin..
Mirovan binçav dikin, digirin û zextan li wan dikin..
Ev hemû kirin, ji dewleta ku bi navê demokrasiyê bang dike, tên…
Lê ne tenê li Bakurê Kurdistanê û Tirkiyê..
Kurd li ku bin, her ji Erdogan û kirinên wî xelas nabin..
Li Efrîna ji aliyê Erdogan ve dagirkirî, herî dawî girtina jinên Kurd û êşkenceya li wan ji her kesî re eşkere bûn..
Li Mexmûrê êrîş û topbarana dewam..
Jixwe li Tikriyê jî her cure-zext û binpêkirin hene..
AKP’ê her tim Kurdan dike armanc û li dijî çand, ziman û xwezaya wê xwedî dijminahiyeke mezin û dîrokî ye.
Di wextekî de ku li Rojavayê Kurdistanê û bi saya sîstema demokratîk a Rêber Ocalan, her pêkhateyek bi zimanê xwe dijî, li Tikriyê bûyerek bi vî rengî, şerm û lekeyek mezin li eniya hikumeta AKP’ê xêz dike..
Barişê ku çîroka wî deng veda û bû mînaka berbiçav a êşa gelê Kurd li Tirkiyê, ji hezaran çîrokên ku li wir diqewimin û tên veşartin..
Cîhan tevde ev çîrok dît û bihîst..
Lê gelo wê li hember vê, helwestek ji aliyê civak û rêxistinên navdewletî derkeve?
Yan jî weke bi hezaran berî Bariş ku bûn qurbanên nasnameya xwe, di nava bêdengiyê de orix bibe û çîroka wî li wir bi dawî bibe?
Duh li Amerîka George Floyd û îro Barişê Kurd li Tikriyê..
Di heman dema ku George li Amerîkayê ji ber nasnameya xwe hat kuştin, li Tirkiyê jî Bariş bû şehîdê zimanê xwe yê Kurdî.
Heman hişmendî, heman nijadperestî û heman zext in..
Li Tirkiyê.. qedexe ye bi Kurdî biaxivî, bibihîzî û bijî..
