Hinek kes hene, her çendî bi salan jî neyên dîtin, lê şopa wan di jiyanê de ti carî ji bîr nabe.. Îro em ê behsa fermandar û şoreşgerekî bikin.. Berî niha bi çar salan, dengê bangkirina navê Ebû Leyla bilind dibû.. Şehîd bû.. Lê va ye çar sal derbas bûn, Ebû Leyla hîna jî pêşengê şervanan e.. Dibe ne bi tevgera xwe be, lê bi dîrok û berxwedana xwe ye..
Rêya me ev e.
Erka me ev e ku em ji bo siberoja te û zarokên weke te şer bikin.
Ji bo hûn jî weke me nebêjin bav û kalê me tiştek ji me re nekirin.
Şoreş ji bo we ye..
Delala min Leyla, Eger zindî be yan jî Şehîd be, tu yê rojekê bi bavê xwe serbilind bî.
Fermandar Feysel Ebû Leyla di bin êrîş û topên DAIŞ’ê li Kobanê de, ev name ji keça xwe Leyla re şand..
Em behsa vê nameyê dikin, da qehremanî û berxwedana Ebû Leyla bighînin we..
Ebû Leyla xeta berxwedanê zindî kir
Lê ev çar sal in, Ebû Leyla Şehîd e..
Fermandarê leheng, sala 1984’an li gundê Qere Rîşk ê Kobanê tê dinê..
Piştî 21 salan, berê xwe dide Minbicê..
Destpêka şerê Sûriyê, mohra xwe li xeta berxwedanê dixe.
Gava yekê, cebhet El-Ekrad a ku piştre weke Şemis El-Şemal tev geriya, ava dike..
Li gelek deveran ji bo azadiya gelan şer dike..
Ji berxwedana Heleb, Bab, Girê Spî, bendava Tişrînê û berxwedana dîrokî ya Kobanê bê par nema..
Di berxwedana sedsalê de, 7 caran birîndar dibe, lê kêliyekê jî, vîna wî ya azadiyê neşkest..
Piştî serkeftina mezin li Kobanê, Ebû Leyla bê hedan refên leşkerî xurt kir..
Wê çaxê Minbic di bin tarîtî û dagirerkiya DAIŞ’ê de bû..
Lewma 1’ê Hizêrana 2016’an Pêngava Rizgarkirina Minbicê dest pê dike..
Bê guman Bavê Leyla pêşengtî kir û saeta sfirê bi dengê wî dest pê kir..
Rojên pêşîn, Ebû Leyla li derdora bajarokê Ebû Qelqel birîndar dibe..
Hîna negihiştbû bajarê xwe, 5 Hizêrana 2016 li nexweşxaneya Silêmaniyê şehîd dibe..
Lewma ji bo tolhildana fermandar, navê pêngavê veguherî pêngava Şehîd Feysel Ebû Leyla..
Bi vî navî, şervanan 12’ê Tebaxa 2016’an dawî li dagirkeriya DAIŞ ya li Minbicê anî..
Hêviya Ebû Leyla gihişt serî..
Piştî şehadeta wî, gelek akademî bi navê wî hatin vekirin..
Ya ji vê zêdetir, xeta Ebû Leyal û bi dehan fermandarên mîna wan, dewam kir û DAIŞ’ê têk birin..
Bi vê dîroka tije têkoşîn, ne tenê serê Leyla, serê tevahiya gelên herêmê bilind bû..
Jiyana mirovekî liberxwedêr ev e…
Dibe laş diçe…
Lê nav û dîroka wî dimîne û hey dimîne..
Ebû Leyla jî, roj bi roj mezintir dibe..
