Xwepêşandan guhertina serokwezîr û tengavbûna rewşa jiyanî

Bi nêzîkbûna qanûna Qeyser a cezayên aborî li dijî hikûmeta Şamê, desthilata El-Esed bêtir tengav û dorpêç dibe.

Xwepêşandaên hilweşandina hikûmetê û çûna El-Esed ji ber aloziya aborî dewamin.

Her wiha hinek pereguhêr bazirgan sûcdar kirin û ew û pereyên wan desteser kirin.

Lê tevî wê yekê jî xwepêşandan û nerazîbûna li lidarin.

 

Rêveberiya Amerîka li ser zimanê nûnerê wê yê taybet James Jeffrey ragihan ku dê cezayên aborî yê qanûna Qeyserê 17’ê Hezîranê li dijî hikûmeta şamê pêk werin.

Belê… Ji pêkanîna wê qanûnê re çend roj mane lê belê bandor û nîşaneyên guhertinê li dijî hikûmeta Şamê diyar û li ber çav in.

Bi bênirxbûna lîreya Sûrî beramberî pereyên dîtir û bi taybet dolar re, nirxên tiştan sêcarî ji berê buhatir bûye.

Ji ber aloziya aborî rewşa jiyanî li Sûriyê bi giştî û bi taybetî li herêmên jêr kontrola hikûmeta Şamê gelekî kembax bûye.

Ji ber vê yekê ev zêdetirî hefteyekê ye li herêmên hikûmetê tevlihevî û nerazîbûn li dijî hikûmeta Şamê li pêş e.

Bi taybet li parêzgeha Suweydayê hilweşandina hikûmetê û çûna El-Esed bûye serenava xwepêşandanan.

Guhertina di hikûmet û qada leşkerî de

Weke her car da ku serokê hikûmeta Şamê Beşar El-Esed xwe ji vê aloziyê xilas bike û berpirsyar neye dîtin, kete nava hewldanan û hinek gav avêtin.

Pêncşemê El-Esed serokwezîr Îmad Xemîs bê zelalkirina sedeman istifa kir.

Bi vê yekê Beşar El-Esed dixwaze aloziya heyî bavêja stûyê hikûmetê.

Ji ber ku alîgirên wî li dijî wî derdikevin, careke din hikûmeta El-Esed guhertin di qada leşkerî de çêkirin.

Desthilata Şamê bi rêya hêzên taybet û hêzên bi navê Heres Cemhûrî ve tê parastin.

Ji ber vê yekê hinek serbazên ji nişfê nû yên Elewî û bi taybet nêzîkî malbata El-Esed di fermandariyê hêzên leşkerî de bi cî kirin.

Hewldanên kêmkirina nirxê Dolar beramberî Lîreya Sûrî

Dîsa ji bo ku hikûmeta zexta alîgirên xwe ji ser xwe kêm bike, hinek gavên nerewa avêtin.

Li gorî hinek çavkaniyên li Şamê hêzên ewlehiyê di çend rojên dawîn de bi armanca kêmkirina nirxê dolar beramberî lîreya Sûrî hejmareke ji pereguhêran bin çav kirin.

Bi milyon dolarên wan desteser kirin.

Ji ber vê yekê nirxê dolar beramberî lîreya Sûrî daket sînorê 2000.

Ji ber bilindbûna dolar bazirganan dikan û sûk girtin lê belê hêzên hikûmetê gef li bazirganan xwar û neçar kirin ku dikanên xwe vekirî bihêlin.

Lê diyar e ku êdî nema heta alîgirên hikûmetê baweriya xwe pê nînin û alozî dê derbasî qonaxeke din bibe.

Back to top button
Close
Close