Piştî ku Rêveberiya Xweser li herêmên Bakur û Rojhilatê Sûriyê hat ragihandin, rêbaza xwetêrkirin û xwespartina hilberînên herîmê, ji xwe re kir rêgeza sereke.
Komîteya Aboriyê beriya 5 salan bi piştgiriya projeya kooperatîfên çandiniya sebzeyan her werzekê li navçeya Tirbespiyê dest bi kar û xebatê kir.
Komîteyê bi 4 jinan dest bi kar kir, jinan li nava 2 donim erd de gelek cureyên sebzeyan çandin.
Proje dihêle ku gelê navçeyê hewcedariyên xwe yên demsalên zivistanê peyda bike.
Karker sebzeyan di hingaran de diçînin û di demsala havînê de jî bi rêbazeke kevnare diçînin.
Di dawiyê de gelek cureyên sebzeyên mîna; wekî xiyar, bacan, xirtik, sîr, pîvaz, bacanên reş tên berhevkirin.
Endama Rêveberiya Projeya Aborî Ahîn Şikrî, diyar kir ku wan bi derfetên kêm dest bi kar û xebatê kiriye û got:
Di pêvajoya 5 salên derbasbûyî de, bi 4 jinan, 9 malên plastîk, 2 hezar û 500 dar li zeviyê biçînin û hejmara qenalên avê jî bikin 22.
Li navçeya Tirbespiyê pêşxistina aboriya Xweser
Zêdetir kar ji jinan re tê peydakirin
Ahîn dibêje niha 40 jin hem kar dikin û hem jî çavdêriya xebatê dikin, li aliyekî din jî hejmareke endezyar û cotkar hene û wiha domkir;
Rêveber li bende ne ku proje kar û xebatê ji zêdetirî sed jinan re peyda bike. Li navçeya Tirbespiyê bi perekî kêm sebze tên firotin, gel serdana zevî dikin û pêdiviyên xwe dikirin.
Emanî Xaim jî beriya sal û nîvekê li nava erd dixebite got:
Proje derfeta kar ji min re peyda kir, karê çandina sebzeyan karekî xweş e. Ez bang li jinan dikim ku bi xwe debara xwe bikin.
