Her tim tevlîheviyê derdixin ji bo rê li ber hewldana revê vekin û berê xwe bidin herêmên di bin dagirkeriya dewleta Tirk de. Niha jî li rêyên qaçax û cuda digirin, ji bo birevin.
Em behsa jinên DAIŞ’î yên li Kampa Holê ya li rojhilatê bajarê Hesekê dikin ku malbatên DAIŞ’ê lê hatine bicihkirin û xetertirîn kamp e.
Zêdetirî 30 hezar jin û zarokên çeteyên DAIŞ`ê, ku di dema rizgarkirina herêmê ji çeteyan, ji aliyê QSD’ê ve li Kampê hatine bi cih kirin.
Tevî ku gelek caran Rêvebriya Xweser bang li dewletan kirin ku, DAIŞ’ên xwe yên biyanî werbigirin, lê heta niha tu gavek ji aliyên dewletan ve nehaiye avêtin.
Li ser vê yekê jî her ku diçe xeterî zêde dibe, di vê dema dawiyê de, reva jin û zarokên DAIŞ’ê ji kampê bûye rojev…
Çeteyên di bin herêmên dagirkeriya Dewleta Tirk de ne, hewl didin xwe bigihînin jinên DAIŞ’î û wan bi riyên cuda birevînin û derbasî Tirkiyê bikin.
Li Idlibê hin kes di bin navê Alîkariya mirovî pereyan dişînin ji jinên DAIŞ’ê re.
DAIŞ’ên direvin jî, rêya, Idlib, Cerablus-Minbic bikar tînin, ji bo ji Sûriyê derbasî Tirkiyê bibin.
Li gorî Saziya Ewlehiya Navxwe ya Amerîkayê ye jî, bi riya qaçaxçiyê hin jinên DAIŞ’î ji kampê reviyane.
Ji xwe her tim Têkiliyên DAÎŞ û Tirkiyê her ku diçe zêdetir ronî dibe.
Li aliyeke din, di demên dawîn de rêxistine bi navê Weqfa Alîkariyên Mirovî ÎHH ya tirkî kete dewreyê, di bin navê karê alîkariya mirovî hewil dide ku jinên DAIŞ’î yên ji nasnameyên biyanî ji kampa Holê birevîn e welatên wan yên Ewropayê.
Bi riya vê tiştê jî Tirkiyê gefê li ewlehiya Ewropayê dixwe.
