Artêşa Tirk a dagirker duh ji çiyayê bajarokê Batîfa yê ser bi Zaxo ve, ket gundê Banikê û çend saetan di nava gund de ma.
Artêşa dagirker ket malên gundê Banikê û Mînînê yên Batûfayê û gelek mal talan kirin û hilweşandin.
Leşkerên Tirk hin mal bi temamî talan kirin, hin jî bi temamî hilweşandin û ziyan gihîşt gelek malên din.
Îro serê sibehê gundiyên ku ji ber êrîşê dev ji malên xwe berdabû, xwest vegerin mal û baxçeyên xwe, lê ji aliyê hêzên PDK’ê ve hatin astengkirin û ji ber vê yekê jî, rageşî derket.
Li gorî agahiyan, dagirker li quntarên çiyan in û ji ber berxwdana gerîlayan, nikarin ber bi pêş ve biçin.
