Ji bo hilbijartinên li Iraqê ji salekê kêmtir dem maye.
Ji niha de, liv û tevgera aliyên siyasî yên Iraqê a ji bo hilbijartina pêşwext destpêkir.
Bi rêya danûstandinan berpirsên herêmê û Bexdayê, dixwazin hevpeymanak nû ava bikin.
Hemwextî rewşa heyî Serokwezîrê Iraqê Mistefa Kazimî ji bo tevlî lûtkeya Iraq, Urdin û Misrê bibe çû paytexta Urdin Ummanê.
Li Iraqa ku krîza aborî û siyasî lê heye, ji bo avakirina aramiyê hilbijartina pêşwext wê pêk were.
Tê payîn Hezîrana 2021’an hilbijartinên pêşwext yên Iraqê wê pêk bê.
Ji niha de liv û tevgera aliyên siyasî yên Iraqê ji bo hilbijartinê destpêkir.
Duh êvarê serokê Dewleta Yasa Nurî Malikî û serokê Hevpeymana Fetih Hadî Amirî li hev civiyan.
Di civînê de behsa pêkanîna eniyek hevbeş ji bo hilbijartinên pêşwext yên Iraqê hate kirin.
Li gorî daxuyaniya parlamenterê Dewleta Yasa Kati Rêkanî, da zanîn ku li ser pêkanîna eniyek hevbeş, hîn biryara dawî nehatiye dayîn.
Rêkanî got, dibe ji bo proseya hilbijartinê astengî çêbibin.
Wek sedem jî diyarkir ku dibe qanûna hilbijartinê di dema xwe de temam nebe.
Li aliyê din serokê parlamentoya Iraqê hefteya borî serdana bajarê Silêmaniyê kir û bi serokkomarê Iraqê Berhem Salih re civiya.
Li gorî agahiyên ajansa Rojnewsê, di civîna her dû aliyan de jî behsa pêngavên ji bo dema bê ku bên avêtin, hatiye kirin.
Berhem Salih û YNK dixwazin hevpeymanek mezin bi piştevaniya hemû pêkhateyan, serokwezîrê Iraqê Mistefa Kazimî û Emar Hekîm çêbikin.
Berhem Salih bi vê re dixwaze pêşeroja kursiyê xwe misoger bike.
Li aliyê din jî Nurî Malikî û Hadî Amirî, bi rêveberên Heşdî Şeebî re dixwazin hêzek siyasî ava bikin û PDK’ê jî tevlî vê hêzê bikin.
Kazimî ji bo lûtkeya Iraq, Urdun û Misrê çû Urdinê
Hemwextî vê rewşê Serokwezîrê Iraqê Mistefa Kazimî ji bo tevlî lûtkeya Iraq, Urdin û Misrê bibe çû paytexta Urdinê Ummanê.
Li gorî daxuyaniya Nivîsgeha Ragihandina Serekwezîrê Iraqê Mistefa Kazimî, wê lûtkeya hersê welatan, bi serokatiya Mistefa Kazimî, Ebdulfetah Sîsî û Şah Ebdulahê duyemîn li ser pirsgirsêkên alîkariyê, aboriya di navbera hersê welatan de, girîngiya bilindkirina hilberîn û bazirganiyê pêk were.
Herwiha wê gotubêj li ser pirsgirêkên herêmî, ewlekarî û aboriyê werin kirin.
