Îro şandeya Rûsî li gel El-Esed derbarê rewşa dawî li Sûriyê hevdîtin pêk anîn. Piştre konferanseke hevbeş li dar xistin.
Di koferansê de cîgirê serokwezîrê Rûsya got ku ew ê di şerê li hemberî DAIŞ’ê û jinûveavakirina Sûriyê de bibin alîkar. Wezîrê Karên derve jî da zanîn ku pêwîstiya Sûriyê bi alîkariyên navdewletî heye.
Lavrov got ku ew ê li hemberî cezayên Amerîkî li ser Sûriyê destekê bidin hikûmeta Şamê û têkiliyên aborî û bazirganî xurt bikin.
Hemwextî aloziya aborî ya tûj ku Sûriyê tê re derbas dibe, şandeyeke Rûsî ya payebilind serdana Şamê kirin.
Şande ji cîgirê serokwezîrê Rûsya Yûrî Borîsof û wezîrê karên derve Sergey Lavrov û kesên din pêk hat.
Destpêkê şandeyê li gel serokê hikûmeta Şamê El-Esed hevdîtin pêk anîn.
Piştre konferanseke çapemeniyê ya hevbeş li gel wezîrê karên derve yê hikûmeta Şamê li dar xistin.
Welîd El-Muelêm got ku pêşeroja têkiliyên aborî û siyasî li gel Rûsya baş in.
Derbarê destûra Sûrî ya nû de jî, diyar kir ku ew girêdayî xebatên endamên komîteya destûrî ye lê belê dema daiştina destûreke nû ne diyar e.
Wezîrê karên derve yê Rûsya Sergey Lavrov jî axivî û wiha got:
Ji nû ve avakirina Sûriyê ji karên me yên pêşî ne.
Ji bo Sûriyê jinûve were avakirin pêwîstiya xwe bi alîkariyên navdewletî heye.
Ji bo danîna destûra Sûriyê ya nû jî nediyar e kengî were dariltin. lê belê welatiyên Sûrî tenê dikarin pêşeroja xwe diyar bikin.
Em ê li hemberî cezayên Amerîkî yên aborî piştgiriyê bidin hikûmeta Şamê.
Hebûna Îranê li Sûriyê girêdayî biryarên hikûmetê ne.
Her wiha cîgirê serokwezîrê Rûsya jî axivî û got ku ew ê têkiliyên bazirganî û aborî bi hikûmetên Şamê re xurt bikin.
