Dezgeha Dije Terorê ya Iraqê bi daxuyaniyek ragihand ku wan sê kesên tometbar ku destê wan di kuştina malbata Kurd a li Bexdayê de hebûn, girtine.
Li gorî daxuyaniya hatî dayîn, her sê kesên hatine girtin, kesên nêzî malbata Kurd bûn û ji bo diziyê ketine xaniyê malbatê.
Piştre her sê kesên ji heman malbatê kuştine û bi qasî 240 hezar dolar dizîn û reviyane Hewlêrê.
Hate diyarkirin ku bi hemahengiya Dije Terora Iraqê û Dije Terora Herêma Başûrê Kurdistanê her sê tometbar li Hewlêrê hatine girtin.
Hêjayî bibîrxistinê ye ku duh bi şev malbata Kurd a ji sê kesan (bav, dayîk û keça wan) pêk dihat, li taxa Mensur ya Rojavayê Bexdayê di mala xwe de kuştî hatibûn dîtin.
