Jinên ji gelek welatan li dijî sûcan însiyatîfek ava kir

Jinên ji welatên Rojhilata Navîn û Bakurê Afrîkayê ji bo di serî de belgekirina sûcên ji aliyê dewleta Tirk ve tê kirin însyatîfek ava kirin.

Însyatîfa ku rêxistinên jinan ên Bakur û Rojhilatê Sûriyê jî di nav de ne bi dirûşma ‘Ji bo ewlekarî û aştiyê, li dijî dagikirin û kuştina jinan têkoşîn’ hate avakirin.

Di însyatîfê de ku bi rêya onlîne bi civînekê hate ragihandin, rêxistinên jinan û nûnerên Bakur û Rojhilatê Sûriyê, Iraq, Libnan, Misir, Tûnis û Lîbyayê cih digirin.

Di daxuyaniyê de bal hat kişandin ser mafên bingehîn ên mirovan û peymanên navneteweyî yên ku rêgezên wekheviyê yên nava gelan erê dike.

Jinan destnîşan kir ku tundiya ser jinê yek ji polîtîkayên herî sereke ên sîstema kapitalîst a cîhanê ye.

Hat diyarkirin ku şehîdxistina Sekretera Partiya Pêşerojê ya Sûriyê Hevrîn Xelef û endama Koordînasyona Kongreya Star Zehra Berkel bi van polîtîkayan hatin hedefkirin.

Navê sazî û kesayetên di însyatîfê de cih digirin wiha ne:

Endama Buroya Têkiliyên Dîplomatîk a Kongreya Star Rûken Ehmed

Endama Koordînasyona Meclisa Jinan a Bakur û Rojhilatê Sûriyê Xewla El Îsa El Hemûd

Seroka Yekîtiya Jinan a Sûryan a Sûriyeyê Sîham Qeyro

Aktivîsta TJA Hacer Ozdemîr.

Endama Desteya Rêveberiya Baskê Jinan a Partiya Zehmetkêşan a Kurdistan a Iraqê Şeyda Marûf Mehmûd

Seroka Komeleya Jinan a Iraqê Şemîran Odîşo

Seroka Komeleya Jinan a Libnanê Buşra Elî

Seroka Komîteya Jinan a Partiya Taşnak a Libnan Mary Ann

Endama Komîteya Ewlekariya Yekîtiya Afrîka, Tunis û Konseya Aştiyê ya Jinê Selve Kîke

Endama Tora Desteka Aştiyê ya Jinan a Lîbya Rabha Farîsî

Endama Meclisa Sekretera rêxistina Jinê ya Nû ya Misirê Nevîn Ûbeyd

Back to top button