Hevserokê Giştî yê HDP’ê Mîthat Sancar di civîna koma partiya xwe ya Meclîsê de axivî û bal kişande li ser girtinên bi hêceta çalakiyên ji bo piştgiriya berxwedana Kobanê.Sancar got, “Desthilat ji ber polîtîkayên xwe yên dema DAIŞ’ê êrişî Kobanê dikir sûcdar e. Li Kobanê gelan li dijî barbarên DAIŞ’ê şer dikirin. AKP’ê jî sînor girtibûn û bêdeng mabû, ji ber vê yekê sûcar e. AKP ji hemû bûyerên 6-8’ê Cotmehê yên Kobanê berpirsiyar e.”
Hevserokê Giştî yê Partiya Demokratîk ya Gelan HDP’ê Mîthat Sancar di civîna koma partiya xwe ya Meclîsê de axivî û bal kişand ser operasyonên li dijî HDP’ê û salvegera 8’emîn a demzrandina HDP’ê û polîtîkayên wan yên derbarê pêşerojê de.
Sancar di destpêkê de qûrbaniyên Komkujiya 10’ê Cotmehê ya li Gara Enqereyê bi bîr anî û got: “Me wê hovîtiyê ji bîr nekiriye.”
Mîthat Sancar bal kişand zextên li ser HDP’ê û got:
“Her cûre rêbaza êrişan li dijî me xistin dewrê û xwestin me tune bikin lê xwe xapandin û bi ser neketin. Meşa me berdewam dike.”
Sancar bi bîr xist ku 15’ê Cotmehê salvegera damezrandina HDP’ê ye û wiha got:
“Bi piştevaniya gelan HDP hat damezrandin. Ji bo demokrasî û aştiya gelan hat avakirin. Li ser kedek mezin hatiye avakirin û em xwedî li wê mîrateyê derdikevin.HDP bi saya milyonan welatî hatiye heta îro. HDP siberojê, demokrasî, edalet, aştî û wekheviyê temsîl dike. Hêza ku faşîzmê bisekînine tenê HDP ye. HDP di dilê milyonan de ye.”
Sancar destnîşan kir ku desthilata AKP’ê bi derewan welat birêve dibe û got,
“Her tişt li Tirkiyê di nava krîzê de ye û tiştek ku desthilata AKP’ê bide xelkê nemaye û tenê ew di şer û cihêkariyê de sirar dikin.”
Sancar: AKP ji ber êrîşên DAIŞ’ê yên li ser Kobanê sûcdar e
Sancar bal kişand ser êrîşên ji ber çalakiyên ji bo berxwedana Kobanê ku li dijî HDP’ê pêk hat û wiha got,
“Ji vê lêpirsînê gelek hevalên me girtin. Ji serî heta binî derew e. Desthilata AKP’ê di wan bûyeran de sûcdar e. Desthilat ji ber polîtîkayên xwe yên dema DAIŞ’ê êrişî Kobanê dikir sûcdar e. Li Kobanê gelan li dijî barbarên DAIŞ’ê şer dikirin. AKP’ê jî sînor girtibûn û bêdeng mabû, ji ber vê yekê sûcar e. AKP ji hemû bûyerên 6-8’ê Cotmehê yên Kobanê berpirsiyar e.”
