Endamê Konseya Rêveber a Hevserokatiya PYD`ê Salih Muslim dazanîn ku daxwazên ENKS’ê yên wek rakirina pergala hevserokatiyê, rakirina zimanê kurdî zirarê dide destkeftî û yekîtiya kurdan, ew van daxazan qebûl nakin.
Muslim destnîşan kir ku ji ber nemadenebûna navbeynkaran û şandeya ENKS’ê xebatên yekitiyê bi awayekî demkî hatine rawestandin.
Endamê Konseya Rêveber a Hevserokatiya PYD`ê Salih Muslim li ser geşedanên dawî yên xebatên yekitiyê axivî.
Salih Muslim destnîşan kir ku hindek daxwazên ENKS’ê zirarê didin destkeftiyên kurdan û yekitiya ku zerarê bide destkeftiyan nayê qebulkirin.
Muslim diyar kir ku ji ber nemadenebûna navbeynkaran û şandeya ENKS’ê xebatên yekitiyê bi awayekî demkî hatine rawestandin.
Salih Mislim piştrast kir ku tenê li ser lêvegera siyasî lihevkirin hatiye kirin,
lê ser xalên din hîna ENKS’ê nêrîneke zelal diyar nekiriye.
Derbarê daxwazên ENKS’ê yên rakirina perwerdeya zimanê Kurdî û Pergala Hevserokatiyê de Salih got:
“Zimanê dayikê di her cihî de pêwîst e.
Kesên ku dibêjin em zimanê Kurdî qebûl nakin, windayiyekê ji bo nifşên nû û nasnameya neteweyî dixwaze.”
“Pergala hevserokatiyê li herêmên me li ser rola jinê hatiye avakirin û
neqebûlkirina wê, înkarkirina rola jinê ye”.
Li gorî Endamê Konseyê ew wekî PYNK çi ji destê wan bê ew ê bo yekitiyê bikin lê ew ê daxwazên ku hilweşandina Rêveberiya Xweser armanc dikin, qebûl nekin.
Salih Mislim dibêje ku yekitiya ew dixwazin; mezinkirina deskeftiyan e, ne hilweşandina wan e.
Di dawiyê de, Endamê Konseya Rêveber a Hevserokatiya PYD`ê Salih Muslim da zanîn ku xebatên yekitiyê bi vegera nûnerên Amerîkî û şandeya ENKS’ê, wê dewam bikin.
