Diyalogên çareserkirina aloziya Lîbyayê li dar in. Şandera NY Stephanie Williams banga cezakirina hemû astengkerên vê pêvajoyê kir. Ji bo vekirina rûpeline nû jî, lidarxistina civîneke siyasî li Mexribê di rojevê de.
Tevî xebatên siyasî yên Lîbî hema hema bi rê ve diçin jî, lê dewletên mîna Tirkiye û Qeterê her xwedî hewldanên astengkirinê ne..
Şnadera NY li Lîbyayê Stephanie Williams da xuyakirin ku dîdargeha diyaloga siyasî ya Lîbî li Tûnisê, 70 ji sedî astengiyên li pêşiya çareseriya aloziyê derbas kiriye.
Stephanie Williams: Divê hemû astengkerên pêvajoya siyasî ya Lîbî werin cezakirin
Lê Williams teqez kir ku daxwaziya hemû aliyên Lîbî ji bo aştiyê zêdetir bûye, ji lew re, divê hemû astengkerên rastkirina pêvajoya siyasî bên cezakirin.
Jixwe berî niha welatên Ixwanî weke Tirkiye xwe gihandibû danûstandinên li Tûnisê û bertîl ji bo hilbijartina endamên hikumeta Wîfaqê ya Ixwanî hatibûn dayîn.
Piştî diyalogên navbera endamên Saziya Teşrî’î ya Lîbî li bajarê Tenca yê Mexribê bi 4 rojan, tê payîn ku îro daxuyaniyeke dawî der barê wan diyalogan de were ragihandin.
Li gorî agahiyan, parlamenterên Lîbî di civîna xwe de li ser “hîmên gitşî” li hev kiriye ku welat aram bibe.
Aliyên Lîbî li hev kir ku benxazî bibe biryargeha derstûrî ya meclisa parlamenteran
Her wiha li ser bijartina bajarê Benxazî li hev kiriye ku bibe Biryargeha Destûrî ya Meclisa Parlamenterên Lîbî.
Tê payîn, Duşem û Sêşemê hevdîtineke siyasî ya din a parlamenteran li bajarê Tencayê pêk were.
Ev hevdîtin, dê ji bo nêzkirina nêrînên aliyan û vekirina rûpeline nû, bê lidarxistin.
Siyasetmedarên Lîbî: Divî sînorê asmanî li pêşiya balafirên Tirkiyê were girtin
Li aliyekî din, siyasetmedarên Lîbî banga girtina sînorê asmanî li pêşiya balafirên Tirkiyê ya ku çek û çeteyan dişîne rojavayê welêt, kir.
Siyasetmedaran da zanîn ku biryarên Konseya Ewlekariyê yên 2011’an ku parastina sivîl û qedexekirina derbaskirina çekan digire çarçoveya xwe, hêj pêk nehatine û divê xwedanên biryarê banga çalakkirina wan biryaran bikin.
