Serokê Komeleya Nîştimanî ya Sûriyê Mihemed Bermo, diyar kir ku “pêwîstiya gelê Sûriyê bi fikirê demokratîk ê MSD’ê heye, ji ber têkiliyan bi hemû aliyan re ji bo çareserkirina aloziya Sûriyê çêdike. Bermo da zanîn ku projeya Rêveberiya Xweser ji bo gelê Sûriyê hêvî ye.. ji lew re banga piştgiriya wê li gelê Kurd û Ereb kir.
Serokê Komeleya Nîştimanî ya Sûriyê Mihemed Bermo têkildarî fikir, rol û xebata MSD ji bo çareserkirina aloziya Sûriyê axivî û destnîşan kir ku pêwîstiya gelê Sûriyê bi fikrê demokratîk ê MSDê heye.
Mihemed Bermo lidarxistina Kongreya Nîştimanî ya Şêniyên Cizîr û Firatê bi bîr xist û bi ya baş pênase kir.
Lidarxistina mîna van hevdîtin û danûstandinan, bendên di navbera aliyên Sûriyê de dişkîne.
Rejîma Sûrî, li dirêjahiya 50 salî, fitne û parçebûn di nava pêkhateyên Sûrî de çêdikir.
Ev jî nebawerîya Sûriyan bi hev, derxist holê û hişt em ji hev bitirsin.
Ya ev nebawerî zêde kiriye jî, opozîsyona Sûriyê ya ku li Stenbolê dimîne ye.
Bermo destnîşan kir ku hewldanên MSDê yên ji bo çareserkirina aloziya Sûriyê, ya yekem e, ku dest bi diyalogan bi hemû aliyan re kiriye.
MSD di şoreşa Sûriyê de, ji bo vedîtina çareseriyeke aştiyane ji aloziya Sûriyê re, aliyê pêşîn e û bi tevahiya aliyên Sûriyê re kanalên diyalogê vekirin.
Ne Îtîlaf, ne jî aliyekî din ê opozîsyonê bi hêzeke siyasî ya din re danûstandin kiriye. Berovajî wê, wek aliyekî girtî û teng tevgeriyaye.
MSDê bang li tevahiya aliyên siyasî kir ku tecrubeya wê nas bikin, pêşniyar û rexneyên xwe pêşkêş bikin.
Bang li hemûyan kir ku hevkar bin da dewleteke nûjen û pergeleke siyasî Sûrî ya nû ava bikin.
Mihemed Bermo: Rêveberiya Xweser hêviya gelê Sûriyê ye û divê piştgiriya wê were kirin
Mihemed Bermo, Rêveberiya Xweser projeyek afrîner dît û ew ji bo tevahiya gelê Sûriyê weke hêviyekê destnîşan kir.
Ji lewma Serokê Komeleya Nîştimanî ya Sûriyê bang li dewletên Ereban kir ku desteka tecrubeya Bakur û Rojhilatê Sûriyê bikin.
Niha tecrubeya Rêveberiya Xweser tecrubeyek baş e, pispor e û bi demê re hîn têgihiştî dibe.
Hêvî û şîreta min ji hemû birayên Kurd û Ereb re ku vê tecrubeyê pêş bixin. Divê em dest bi avakirinê bikin û fikirê têkbirina vê projeyê ji holê rakin.
