Civîna lîderên YE nêzîk dibe û helwesta li dijî dewleta tirk jî zelal dibe.
Serokê Konseya Ewropa Charles Michel balkişande li ser aloziya ku dewleta tirk li Rojhilatê Derya Spî pêk aniye û got:
Divê Tirkiye, dest ji leyîstoka Pisîk-Mişk ya bi YE re berde.
Michel got, ew amade ne cezayan li Tirkiyê bibirin.
Lîderyên YE 10-11’ê Kanûnê ji bo cezakirin yan jî necezakirina tirkiyê wê bicivin.
Serokê Konseya Ewropa Charles Michel bibûneya salevegera yekemîn ya erkê xwe û civîna hefteya pêş were lidarxistin civînek çapemeniyê lidar xist.
Charles Michel diyar kir ku di rojeva wan ya sereke de, aloziya li Rojhilatê Derya Spî ya ku Tirkiye der dixe ye.
Michel anî ziman ku biryara ji civînê derbikeve divê hemû welatên YE û berendamên wê rêzê jêre bigrin.
Di daxuayniya Michel a bi rêya înternetê hate dayîn de, li ser pirsa rojnamevanekê ya ” Ger tirkiye piştî civînê careke din keştiya Oruç Reîs şand hûnê çi bikin, ev bersiv da:
Divê Tirkiye êdî leyîstoka Pisîk-Mişk berde.
Di heyfteya pêş de wê lîderên YE bicivin û li ser vê yekê wê biryarekê bidin.
Em amadene pergalên di destê me de li dijî Tirkiyê bikar bînin.
Di civîna lîderên YE ya Cotmehê de, ji bo Tirkiye dest ji aloziyên li derya Spî berde heta meha Kanûnê dem jê re hatibû dayîn.
Fransa, Yunan û Qibris daxwaza cezakirina Tirkiyê dikin
Di civînê de hatibû gotin, ger heta wê demê Tirkiye dest ji kiryarên xwe bernede wê were cezakirin.
Fransa, Yunanîstan û Qibris dixwazin YE li dijî Tirkiye cezayan ferz bike.
Li aliyê din, Almanya û Polonya li ser cezakirina Tirkiyê heta niha helwestek diyar nekirine.
Borrell: Hinek welat di cezakirina Tirkiyê de bêhelwestin
Ev dimenê Borrell yê vir bikar bêne.
Berpirsê bilind yê Polîtîkayên Parastin û karê Derve yê YE Josep Borrell jî di hevpeyvînek xwe ya li gel Euronews de diyar kir ku li nava YE hîn welat naxwazin ceza li tirkiyê were ferzkirin.
Beriya civîna Lîderên YE, di civîna wezîrên Derve ya NATO’yê de, Wezîrê Derve yê DYA Mike Pompeo gotibû,
Divê Tirkiye dawî li polîtîkayên xwe yên li Rojhilatê Derya Spî nîne.
Vê yekê nîşaneya cezakirina Tirkiyê di cîvîna bê de zêde kiribû.
