Di xwepêşandanên Başûrê Kurdistanê yên ji bo rewşa aborî, zarokek li Germiyanê hat kuştin û li Silêmaniyê jî 20 kes hatin birîndarkirin.
Li navçeya Ranya ya Silêmaniyê di navbera xwepêşander û hêzên ewlehiyê de alozî derket.
Hêzên ewlehiyê bi bombeyên deng û gazê êrîş birin ser xwepêşanderan.
Di encamê de, nêzî 20 xwepêşander birîndar bûn û 20 jî hatin binçavkirin.
Di xwepêşandana li navçeya Şarezur ya Silêmaniyê jî ciwanek birîndar bû.
Di saetên şevê de şêniyên bajarokê Kifrî yê Germiyanê jî dest bi xwepêşandanekê kir û buroya YNK’ê şewitand.
Di encama gulebarana hêzên ewlehiyê de, zarokê bi navê Ako Selman ê 17 salî jiyana xwe ji dest da.