Hevseroka Giştî ya Komeleya Mafê Mirovan ÎHD’ê Eren Keskîn derbarê buyera destdirêjiya li zaroka 15 salî ya li Êlihê axivî û diyar kir ku yek ji sedemên bingehîn yên êrîşên zayendî, nedayîna ceza ji aliyê dewletê ye, ev yek jî dihêle ku destdirêjiya li ser jin û zarokan zêde bibe.
Hevseroka Giştî ya Komeleya Mafê Mirovan ÎHD’ê Eren Keskîn ji sala 1997’an û heya niha ji bo jin û zarokên ku rastî tundî, destdirêjî û kuştinê tên, parêzeriyê dike.
Niha Parêzer Eren xwe amade dike ku tevlî doza têkildarî destdirêjiya zaroka 15 salî ya li navçeya Kercews a Êlihê bibe.
Eren Keskîn di derbarê mijarê ji Ajansa ANF’ê re axivî.
Eren anî ziman ku destdirêjiya li ser jin û zarokan zêde bûye, lê ji ber ku buyerên wan dernakevin holê rastiya wê nayê zanîn û got:
Buroya hiqûqê di nava 23 salan de 758 jin serî lê dane, lê ev hejmar rastiyê nîşan nade.
Sedema herî sereke ya zêdebûna tundiya li dijî jin û zarokan dewlete.
Dewlet pişta sûcdaran digire û ceza nade wan.
Eren Keskîn: Tundî bi destê dewlet û zimanê wê tê rawakirin
Hevseroka Giştî ya Komeleya Mafê Mirovan ÎHD’ê dibêje:
Çawîşê pispor Mûsa Orhan destdirêjî li Îpek Er kir û bû sedema mirina wê, tevî ku nameya Îpek weke belgeyeke ji bo cezakirina sûcdar bû.
Lê dewlet sûcdar bedar, ev jî dide nîşandan ku bi destê dewletê û zimanê wê tundî tê rewakirin.
Mînaka vê yekê jî buyera destdirêjiya li zaroka 15 ya li Êlihê ye.
Eren Keskîn da zanîn ku ew xwe amade dike ku tevlî doza têkildarî destdirêjiya li zaroka 15 salî bibe û wiha bi dawî kir:
Ji bo dosyayê lêkolîn nekin biryara veşariyê derxistin.
Destpêkê dosya ji parêzeran diveşêrin û piştre jî ji raya giştî.
Lê em ê bi têkoşîn û berxwedana xwe van buyeran eşkere bikin û kesên sûcdar ceza bikin.
