Bi hezaran şêniyên herêma Efrîn cenazeyê şervanê YPG’ê Têkoşer Efrîn bi merasîmekê li goristana Şehîdên Berxwedana Serdemê oxir kirin.
Şervanê YPG’ê Xalid Murad binasnav Têkoşer Efrîn ku di Berxwedana Serdemê de birîndar bûbû, li Helebê şehîd bû.
Şêniyan cenazê şehîd, ji pêşiya nexweşxaneya Avrîn wergirtin û bi kerwanekî, birin goristana Şehîdên Berxwedana Serdemê a li navçeya Ehresê.
Li goristanê piştî rêzgirtinê, endama rêveber a Meclisa Malbatên Şehîdan a Herêma Efrînê Hacer Hemo û endamê Rêveberiya Xweser a Herêma Efrînê Henan Seydo axivîn.
Kesên axivîn, sersaxî xwestin û banga xwedî-derketina li nirxên şehîdan û parastina destkeftiyên Şoreşê kirin.
Piştî axaftinan, nasnameya şehîd hat xwend û radestî malbatê hat kirin.
Şêniyan, cenazeyê şehîd Têkoşer Efrîn, bi tililî û diruşmeyan oxir kirin.
