Di sala 2014’an de, çeteyên DAIŞ’ê êrîşî, Şengalê kir. Bi sedan kes hatin kuştin, bi hezaran jî hatin revandin û li bazaran hatin firotin. Heya niha bi hezaran jin bê ser û şînin. Şerîha Reşo jî yek ji wan jinan ye ku rastî gelek kirinên hovane yên çeteyên DAIŞ’ê hatiye. Şerîha ev sûc jî di roporek Sky News’ê de eşkerekir.
Jina Êzidî Şerîhan 6 sal di nava dojehekê de jiyan dikir û li gelek bazarên çeteyên DAIŞ’ê hate frotin.
Çîroka êş û azarên Şerîhan ji Tebaxa 2014’an de dema çeteyên DAIŞ’ê êrîşî Şengalê kir, dest pê kir.
Di wê demê de çeteyan Şerîhan, xwişka wê ya astengdar û cîranên wê revandin.
Şerîhan a 23’salî behsa wan rojên bi êş kir ev tişt anîziman;
“Çeteyên DAIŞ’ê komkojiyeke bi ser gelê me yên Êzidî pêk anî. Di wê demê de çeteyan gelek jinên Êzidî ji gundên Til Qeseb, Rmbosî, Koço, Til Benat û Xanasûr hatin dîlgirtin û birin Mûsil û Reqayê.”
Şerîhan da zanîn ku 3 çeteyên bi navê Ebû Hemze, Ebû Mûsa û Ebû Hacir bi darê zorê hiştin ku ew çerçeva reş li xwe bikin û ew li bazara Iraqê firotin û got;
“Di wê demê de çeteyeke bi navê Ebû Seyîd min kirî û destdirêjî li min kir, piştra dema dît ku ez ducanî bûm işkence li min kir û zaroka di zikê min de mir.
Piştra ez gelek caran hatim frotin û min weke kole di malekê de hiştin û dema ku dixwestin destdirêjî li min dikirin.
Di dawiyê de min anîn girtîgeha ” Aqab” ku gelek jinên kurd û Êzidî lê hebûn.
Girtîgeha “Aqab” di bin erdê de ye û di navbera deverên Kafr Nabl û Al-Bara li cebel Al-Zawiya de ye.
Li gorî çalakvanên ji bajarê Idlibê ku ji Sky News’ê re eşkere kir ku girtîgeha “Aqab” ji hêla îstîxbarata Tirkiyê ve tê birêvebirin.
Aqab ne girtîgeheke zagonî, bazareke koleyan bû ku gelek jin lê dihatin girtin.
Li gorî raporên Rêxistinên navneteweyî di Tebax 2014’an de çeteyên DAIŞ’ê zêdetirî 6 hezar jin û zarok dîlgirtin û wan birin cihên ne diyar.
