Berpirsê tora MÎT’a Tirk a li Eyn Îsayê hatibû girtin, Ebû Esaf li kampeke sîxuran a li Tirkiyê hatiye perwerdekirin. Vî sîxurî li Eyn Îsayê agahî li ser sazî û nuqteyên leşkerî ji MÎT’a Tirk re ragdigihand û gelek teqîn pêk aniyê û zeviyên şêniyan şewitandiye.
Çûbûn nêçîrê, lê ew bûn nêçîr.
Sîxurên ku Tirkiyê pala xwe daye wan, dibin jêdera eşkerekirina planên wê..
Komeke sîxurên MIT’a Tirk ku li Eyn Îsayê çalak bûn û ji 28 kesan pêk dihat, ji aliyê Asayîşê ve hatiye girtin.
Berpirsê tora MÎT’a Tirk Mihemed Casim El-Hesûn “Ebû Esaf” ê ku gelek erk ji çete û dewleta Tirk re pêk anîne, li planên Tirkiyê mikur hat.
Ajansa Nûçeyan HAWAR’ê mikurhatinên sîxur Ebû Esaf weşandin.
Ji min re digotin generalê biçûk..
Ji min xwestin ez agahiyan derbarê Eyn Îsayê de bidim wan.
Agahiyan li ser hemû nuqteyên leşkerî.. wêne û navên şervanan jî xwestin..
MÎTê ji Ebû Esaf xwest ku dîmenên nuqteyên QSD’ê yên li ser rêya M4 ji benda Um Beramîl heta bi Eyn Îsayê ve bikişîne.
MITê ji min re got; li vê herêmê çi nuqteyên leşkerî yên QSD’ê hebin, ji me re bişîne.
Min hemû agahiyên li ser van nuqteyan ji istixbarata Tirkiyê re şand.
Dema ez gihiştim benda kontrolê ya Eyn Îsayê, min yekser ji wan re rê kir.
Min hejmara leşkerên li ser bendê jî ji gelek kesan re şand.
Sîxur Ebû Esaf ne tenê agahî, geşedan û wêne kom dikirin, belê alîkariya Tirkan jî dikir da ku eniyê ji şervanên QSD’ê vala bikin.
Her wekî li Eyn Îsayê 3 teqîn jî pêk anîne û gelek zeviyên şêniyan şewitandine.
Dema topbaraneke dijwar li ser bendeke kontrolê ya li Eyn Îsayê pêk hat, min mayînek li ber bi cih kir.
Min ew mayîn bi destê xwe çêkir û piştî teqiya, hin kes li ser bendê birîndar bûn.
Serbazên dewleta Tirk û serçeteyên wan, dijminahiya Kurdan di mêjiyê sîxuran de diçand da vê dijminahiyê bi rêya Îslamê bixin serê Ereban jî, ku tenê dewleta Tirk parêzvanê Misilmanan e..
“Bepirsên perwerdeyê, ji me re wêneyek nîşan da ku çawa şervanên bi cilên QSD’ê pê li alên DAIŞ’ê dikin.
Lê rûyên şervanan di wêneyan de ne diyar bû.
Serbazan digot: DAIŞ ji Kurdan bi rehmtir e û tu dozeke Kurd li gel wan tune ye.
Sîxurê MÎT’ê Mihemed Casim El-Hesûn li kampa Mêrsînê li ser sîxuriyê hatiye perwerdekirin û da zanîn ku di kampê de gelek zarok û çeteyên DAIŞ’ê jî hebûn.
Mihemed El-Hesûn got:
MÎTa Tirk gelek zarokên penaberan ku temên wan di navbera 6-7 de ne, li ser sîxuriyê perwerde dikin.
Bi rûdana şerê Sûriyê re, hejmareke Sûrî weke penaber xwe li Tirkiyê girt, lê ya dawî ku bi minetî wan hewandiye, her û her wan weke zext li dijî Ewropayê li ba dike û aniha jî diyar dibe ku kampên wan veguherandine navendên sîxurkirinê.
