Fatma Uyar, Sêvê Demîr û Pakize Nayir li ser axa Botanê li hemberî zilmê têkoşînek mezin dan. Dayika Fatma Uyar, Hatîce Uyar, da zanîn ku keça wê her tim li pêy heqîqetê bû û got: Em ê her tim li pey doza wan bin.
Sê siyasetmedarên jin ên kurd Sêvê Demîr, Pakîze Nayir û Fatma Uyar li Sîlopiya hatin şehîdxistin..
4 sal li ser bûyerê re derbas bû.
Her sê rêhevalên hev bi berxwedana xwe bûn mînak.
Yek jî wan Fatma Uyar e.
Fatma 28’ê Tebaxa 1988’an li gundê Duhokê hatiye dinê. Lê piştî vê malbata wê koçberî Şirnexê dibin.
Sala 2000’an Fatma tevlî xebatan dibe û destpêkê di nava xebatên ciwanan de cih digire.
Fatma ji ber karê xwe, 5 salan tê girtin..
Piştî ku ji girtîgehê derdikeve berê xwe dide Botanê û di nava xebatên Kongreya Jinên Azad KJA’ê ya Silopiya de dest bi xebatan dike.
4’ê Çileya 2016’an li Silopiya Fatma Uyar, Sêvê Demîr û Pakize Nayir jî li ser axa Botanê heta kêliya dawî li berxwedan û şehîd bûn.
Hatîce Uyar: Fatma bi evîneke mezin têkoşîn meşand
Dayîka Fatma Hatîce Uyar û hevala wê, ew bibîranîn û taybetmendî, têkoşîn, biryarbûn û berxwedana Fatmayê anîn ziman.
Hatîce, anî zimên ku wê tu carî zarokatiya keça xwe nedît. Ji ber ku Fatma ji 11 saliya xwe de berê xwe da partiyê û xebat meşandin.
Hatîce, destnîşan kir ku Fatma bi evîneke mezin têkoşîn meşand, ew girêdayî vîn û doza xwe bû.
Hatîce, da zanîn ku Fatma û du hevalên wê di dema qedexeyan de bi awayek hovane hatine şehîdxistin û wiha got:
Hatîce Uyar: Emê heta dawî li pey doza zarokên xwe bin
Zarokên me di rêya heqîqetê de şehîd ketin. Heta ku sucdar neyên darizandin, emê nesekinin. Dosyeyên zarokên me hatin girtin. Em vê bêedelatiyê qebûl nakin. Em ê tim li pêy vê dozê bin. Em ê tu carî vê hovîtiyê ji bîr nekin.”
Asuman kulter: fatma bi berxwedan û têkoşîna xwe bawarî dida jinan
Hevala Fatma, Endama TJA’ê û Meclisa Giştî ya HDP’ê Asuman Kulter jî da zanîn ku Fatma xwedî kesayetiyeke xurt û bi hêz bû, her tim moral dida hevalên xwe, ew bi berxwedan û têkoşîna xwe bawerî dida jinan.
Asuman, diyar kir ku her 3 jinên têkoşer, li pêy xwe mîrateyek têkoşînê hiştin û wiha got:
Emê heta dawiyê li ser şopa Fatma û du hevalên dinê bin. Em ê têkoşîna wan mezin bikin.”
