Gera 5. a komîteyê sibê li Cinêvê li dar dikeve

Duşemê, gera 5. a danûstandinê komîteya Destûrî ya Sûrî li Cinêvê wê were lidarxistin.
Nûnerê Taybet bo Sûriyê Geir Pedersen, berî gera 5. a danûstandinan hişiyarî da û texmîn kir ku aramî hilweşe.

Duşemê, gera 5. a danûstandinê komîteya Destûrî ya Sûrî li Cinêvê wê were lidarxistin.

Komîteya destûrî encama lihevkirina garantorên Astanayê ye.

Ev garator jî, di serî de dewleta Tirk a dagirker li dijî gelê Sûrî sûcên şer pêk tîne û Rûsya ji xwe re temaşeker maye.

Her rê li ber zêdegaviyên dewleta Tirk jî, vedike.

Heta Rûsya ji bo çaraseriya aloziya sûrî ti proje û çareserî li cem tine, tenê ev garantor dixwazin xaka sûriyê li hev par bikin.

Ji lewma Komîteya destûrî ji berê ve û heta niha jî di bingeh û encamên xwe de binketî ye.

Geir Pedersen berî gera 5. Hişyarî da

Nûnerê Taybet bo Sûriyê Geir Pedersen, berî gera 5. a danûstandinan di kongreyek çapemeniyê de hişiyarî da.

Pedersen dibîne ku tevî 10 mehên dawî herî aram bû ji aloziya Sûriyê, di eniyên pêş de guhertin çêbûne û lê di kîjan kêliyê de wê rewşa jihev bikeve.

Pedersen anî ziman ku komîteya destûrî nikara dûrî hin faktorên din kar bike û îşaret bi girîngiya hevkariya navdewletî û danûstandinên rastîn ku hemû aliyên cûda û nerînên xwe bînin ziman.

Lê gelek gerên Komîteya destûrî pêk hatin û tê de nûnerên gelê Sûriyê yên rastîn beşdar nebûn, bi taybet nûnerên 5 miylon ên bakur û Rojhilatê Sûrî paşguhkirin..

Sedema dûrxistina nûnerên Bakur û Rojhilatê Sûriyê ji komîteya destûrî veto ya Tirkiyê ye.

Gera 4. a civînên komîteyê 4’ê kanûna sala borî bi dawî bû bê ku ti encamên şênbe bi dest bixe û komîte bê çara ma.

Komîteya Destûrî temenê hikûmeta Şamê dirêj dike

Hevserokê MSD’ê Riyad Derar destnîşan kir ku komîteya destûrî binketî ye û temenê hikumeta Şamê dirêjtir dike.

Berî du rojan jî, desteya danûstandina Sûrî ya Pedersen, Rûsya û dewletên din ên herêmî ji ber destwerdana Tirkiyê di birînaran desteyê û biryara siyasî bi giştî aciziya xwe anîbûn ziman.

Back to top button