Şêx û rûspiyên eşîreyên Minbicê diyar kirin ku gelek aliyên bi rêya armnckirina serokeşîran dixwazin fitneyê di navbera beşên civakê de derdixin û banga piştgiriya QSD”ê a ku herêmê diparêze kirin.
Yek ji rêbazên sereke ku dewleta Tirk li herêmê bi kar tîne, karê sîxurtiyê ye.
Bi vê yekê dixwaze ku tevlihevî û fitneyê li herêmê derxîne û xelkên herêmê li dijî Rêveberiya Xweser sor bike.
Lê ev yek bi hevgirtina gelên herêmê û hişyariya wan li dijî van planan ev plan pûç kir û dike.
Şêx û rûspiyê eşîrên Minbicê bi tundî ev yek bi tundî şermzar kir û nerînên xwe derbarî van kirinan ji ajansa ANHA’yê re axivî.
Yek ji rûspiyên eşîra El-Demalxa Ebdulrezaq Ismaîl diyar kir ku armanc ji fitneya ku aliyên derve li herêmên Rêveberiya Xweser derdixin ew e ku zerarê bighînin civakê.
Ftinya ku li herêmêm Rêvberiya Xweser pêk tê, ji berê de hatine plankirin.
Armanca wan jî ku zirarê bigihînin civakê.
Rêveberiya Xweser a Bakur û Rojhilatê Sûriyê ji roja damezirandina wê, rewşên eşîrên herêmê di ber çavan re derbas dike.
Di rastiyê de şêxên eşîran di aloziyan de cihên ewlehiya civakê ne.
Ji ber vê yekê tên armanckirin û dixwazin tevahî civakê bikujin û fitneyê derxînin da ku civak ji hev bikeve.
Rûspiyê eşîra El-Demalxa di dawiyê de, teqez kir ku civak, rûspî û zarokên eşîran bi hemû hêza xwe li hember binpêkirinan sekinî û disekinin û ev bang kir:
Bi rastî hemû pêkhatiyên herêmê li ber van êrîşan bi hemû hêza xwe sekinî û disekinin.
Em bang li hemî gelên herêmê dikin ku li hermber van êrîşan hişyar bin.
Ji ber ew ne tenê şêx û rûspiyan dikin hedef, lê belê hemû civakê.
Şêxê eşîra El-Benî El-Esîdî Mihmed Sadiq El-Esîdî jî destnîşan kir ku ew weke eşîrên Minbic û gundewarên wê dê li hember destwerdanên derve yên dewleta Tirk bisekinin, ji ber şêx û rûspiyên eşîran dendika rastiya civaka eşîrtî li Sûriyê ne.
Em wek şêx û rûsipyên Minbicê em di rêzekê de ne li hember destwerdanên aliyên derve û dewleta Tirkiyê.
Ji ber ku şêx û rûspiyên eşîran dendika rastiya civaka eşîrtî li Sûriyê ne û bi kuştina van kesan dixwazin civakê parçe bikin.
Em weke zarokên vî welatî bang li gelê xwe yên derve dikin ku li welatê xwe vegerin û bi zarokên welatê xwe re bibin yek.
Şêx û rûspiyên eşîreyên Minbicê û gundewarên wê di dawiyê de bi yek gotinê bang li hemê xelkên herêmê kir ku bi Hêzên Sûriye Demokratîk bisekinin û parastina axa xwe bikin.
