Vîrûsa Corona ku li cîhanê bilez belav dibe, ji ber belavnekirina derziyan bi awayekî hevbeş metirsiya heyî zêdetir dike.
Li ser vê yekê Rêxistina Tenduristî ya Cîhanê WHO û NY peyamên hişyariyê da.
Aliyan gotin,
Ger derziya li dijî vîrûsê bi awayekî wekhev neyê parvekirin, vîrûs bidawî nabe û bi mûtasyonên nû re wê metirsiya wê zêde bibe.
Vîrûsa Corona ku êdî bûye kaboza cîhanê bi şêwazên xwe û derbaskirina mûtasyonê re hîn leztir belav dibe.
Vîrûsa ku heta niha derbasî 100 milyon û 333 hezar kesî bûyî, dawî li jiyana zêdeyî 2 milyon û 150 kesî aniye.
Di demên dawiyê de bi derbaskirina mûtastyonê re vîrûs êdî hîn bileztir belav dibe.
Rêveberê Giştî yê Rêxistina Tenduristiyê ya Cîhanê Dr. Tedros Adhanom Ghebreyesus li navenda rêxistinê ya li Cenevê bi rêya vîdeo konferansê civînek lidar xist.
Ghebreyesus careke din hêviya bi derziya li dijî vîrûsê xurt kir û got,
Derzîkirina li dijî vîrûsê hêviyê dide.
Ji ber wê yekê ji niha û pêde her mirinek hîn zêdetir trajediye.
Ghebreyesus îşaret bi destnexistina welatên hejar ji derziyê re û ev hişyarî da.
Heta vîrûs li cihekê bimêne wê metirsî bidome.
Di wextekê de ku welatên hejar temaşedikin û li bendê ne, welatên dewlemend jî derzîkirinê didomînin.
Her roja derbas dibe, cudahiya navbera dewlemend û hejaran de zêdetir dibe.
NY: Ger wekhevî nebe vîrûs bi mûtasyonên nû re wê hîn kujertir be
Peyamenk din ya hişyariyê ji NY hat.
Sekreterê Giştî yê NY Sekreteri Guterres diyar kir ku ger welatên bixwe derziya li dijî vîrûsê nekarîn pêş bêxin û bi yên heyî re sînordar bimênin wê demê vîrûs wê mûtasyonê derbas bike.
Ev yek wê bibe sedema hîn zêdetir kujer û zutir belav bibe.
Dibe ku di rewşek wisan de, derziya heyî jî ê dî bê sûd bimêne.
Hollanda ji ber biryara qedexeyê dişewite
Li Hollanda ji ber tevdîrên parastina ji vîrûsê û qedexeya derneketina derve dişewite.
Paytext Amsterdam di nav de li gelek bajaran bisedan kes li kolanan bûn.
Polîsan jî bi koçik û ava şid xwestin dawî li xwepêşandanan bênin.
Lê ya dîryar dike, hîna wê şewat bidome.
Li Libnanê di nava xwepêşandêr û polîsan de pevçûn derket
Li bajarê Trablûsşamê yê li bakurê Lubnanê, ciwan li dijî tedbîrên krîza tenuristiyê daketin qadan.
Di şerê navbera ciwanan û polîsan de zêdeyî 30 kes birîndar bûn.
