Hevserokê Desteya Perwerde û Fêrkirinê ya Rêveberiya Xweser Receb El-Mişrif diyar kir ku ew ê îsal li hemû herêman metiryalekî hevbeş çêkin û mamosteyên şareza amade bikin. El-Mişrif anî ziman jî ku ew ji bo naskirina navdewletî jî di nava hewldanan de ne.
Hevserokê Desteya Perwerde û Fêrkirinê Receb El-Mişrif da zanîn, ew ê li hemû herêman metiryaleke hevbeş çêkin û hewl bidin naskirina navdewletî bi dest bixin.
Desteya Perwerde û Fêrkirinê ya Rêveberiya Xweser a Bakur û Rojhilatê Sûriyê di sala 2020’an hewldana pêşxistina qada perwerdeyê kir.
Lê bi koçberkirina şêniyên Serê Kanî û Girê Spî, bandoreke neynî li qada perwerdeyê bû.
Lewra jmara xwendekarên li Cizîrê, Hesekê û Reqayê zêdetir bû û koçber li dibistanan hatin bicihkirin.
Ji bo xwendekarên koçber perwerdeya xwe temam bikin, dewam kirin 3 dan.
Vîrûsa Coronayê jî bandora xwe ya neyînî li vê qadê hebû û li herêmê ji Adar heta Cotmeha 2020’a de perwerde hate sekinandin.
Desteya Perwerde û Fêrkirinê karî bi rêya Online bibe bersiv û hişt xwendekar perwerdeya xwe berdewam bikin.
Di civîna salane ya Meclisa Rêveber a Rêveberiya Xweser de ku 18ê Çileya borî li ser rewşa perwerdeyê ya li herêmê hate nîqaşkirin, tê de ev plansazî hat danîn:
Piştgiriyê bidin qada perwerde û perwerdeya bilind.
Dibistanan sererast bikin û yên nû ava bikin.
Metiryalan bikin yek û pirtûkên dibistanan peyda bikin.
Receb El-Mişrif got ew ê li hemû herêman metiryaleke hevbeş çêkin û mamosteyên şareza amade bikin.
Ji girîntirîn planên sala nû ya perwerdeyê, dê xebat li ser yekkirina metiryalan were kirin; ku xwedî pîvanên navneteweyî û li gorî zanîna nûjen a perwerdehiyê li herêmên Rêveberiya Xweser be.
Her wiha em ê werşeyan ji hemû biranşên perwerde û şarezayên pewerdeyê re yên di asta bilind de ava bikin, da ku vî meteryalî saz bike.
Em ê hewl bidin ku ji aliyê NY û UNICEFê naskirinek pê çêbibe.
El-Mişrif destnîşan kir ku dê 6 hezar mamosteyên şareza û mamosteyan refan ên hemû biranşan li herêmê belav bikin.
Hevserokê Desteya Perwerde û Fêrkirinê bi bîr xist ku 900 hezar xwendekar hene û li 5 hezar dibistanan hatine belavkirin, lewma banga naskirinê li NY û UNICEFê kir.
Receb El-Mişrif diyar kir, ew ê îsal li herêmên mîna Reqa, Dêra Zor û Kobanê, ku ji ber êrîşan dibistan hatine wêrankrin, dibistanên nû ava bikin.
Hevserokê Desteya Perwerde û Fêrkirinê ya Rêveberiya Xweser teqez kir ku ew ê xebata xwe berdewam bikin her wiha ji mamoste û xwendekarên xwe bawer in ku ew ê pêş bikevin.
