Şarezayên mafên Mirovan ên NY, bang li 57 dewletan kir ku derdora 10 hezar welatiyên xwe yên DAIŞ’î ji Kampa Holê wergirin. Nûnera NY ya parastina mafên mirovan Violola Ni Olin destnîşan kir ku dive wergirtina jin û zarokan di zûtirîn dem de pêk were.
NY bang li 57 dewletan kir ku derdora 10 hezar welatiyên xwe yên DAIŞ’î ji Kampa Holê wergirin.
Kampa Holê ya metirsîdar a li Bakur û Rojhilatê Sûrî bûye glukeke êgir û rojane sortir û gurtir dibe..
Tê de, zêdeyî 9 hezar û 462 jin û zarokên biyanî hene, bi giştî 64 hezar malbtên DAIŞ’î Sûrî û Iraqî li wir in.
Civaka navdewletî jixwe tenê di çarçoveya bangan de maye û herî dawî, şarezane mafên Mirovan ên NY bang li dewlatan kir û got:
“Divê ev 57 dewletên ku welatiyên wan li Kampên Bakur û Rojhilatê Sûrî ne, pabendî vegerandina wan, li gorî qanûnên navnetewî bibin.
Yên ku sûc kirine jî, mîna sûcên şer û yên din, divê bi awayekî adil li dadgehên herêmî yên van welatan bên darizandin.”
Li Kampa Hol û ya Roj derdora 9 hezar û 462 jin û zarok di nava bêhtirî 64 hezar kesî de ne.
Kampa Holê hema rojane rêzebûyerên kuştinê li dijî penberên Iraqî û koçberên Sûrî dibîne.
Yekser jî tiliyên tawanbariyê dirêjî jinên DAIŞ’ê yên li ser idoelojiya tundrew mane, dibin.
Herî dawî, koçberekî Sûrî yê bi navê Emmar Îsa bûbû armanca vê tundrewiyê.
Bi dehan car Rêveberiya Xweser bangên bi vî rengî kirine, lê welatên wan xwe ker û lal dikin.
Ji ber vê bêdengiyê, Rêvberî banga avakirina dadgeheke navdewletî jî dike, lê dîsa bersiv nîne.
Piştî daxuyaniya şarezayên navborî, Nûnera NY ya parastina mafên mirovan Violola Ni Olin , di kongreyek çapemeniyê de destnîşan kir ku dive wergirtina jin û zarokan îro berî sibe pêk were.
Violola lîsteya ku 57 welatan digire nava xwe, ji wan Brîtaniya, Çîn, Fransa, Rûsya û DYA bi lîsteya “şermê” bi nav kir û kişandina nasnameyê ji welatiyên DAIŞ’î jî şermezar kir, ku ev yek derqanûnî ye û nebe mirov bê nasname bimîne.
Meha derbasbûyî, NY dîsa li ser kaxezan behsa metirsiya Holê kiribû, lê her gav nayên avêtin.
Ni Olin bibîrxist ku, Kanada û Filenda û Kazaxistanê hin welatiyên xwe wergirtine, lê jimareke pir mezin hîna li Kampê dimîne.
https://youtu.be/4pfDn4xe4Pc
