Rêxistina Peymana Bakurê Atlantîk NATO dixwaze di şêwazê tevkarî û xebatên xwe de guhertinê çêbike. Wezîrên Parastinê yên 30 welatên endamên NATO bi rêya vîdeo konferans civînek pêk anîn.
Sekreterê Giştî yê NATO Jens Stoltenberg mijarên di roja yekem ya civînê de hatî nîqaşkirin eşkere kir û diyar kir ku ji bo derketina hêzên wan ji Efxanistanê ew li benda dema guncawin. Stoltenberg daxwaza xurtkirina budceya parastinê li welatên endam jî kir.
Rêxistina Peymana Bakurê Atlantîk NATO civîna xwe ya wezîrên parastina welatên edamam pêk anî.
Wezîrên Parastinê yên 30 welatan beşdar bûn.
Di civîna bi rêya video konferansê pêk hat de, mijarên sereke reform, vekişîna hêzên NATO ji Efxanistanê û xurtkir budçeya parastinê bû.
Sekreterê Giştî yê NATO Jens Stoltenberg doh di dawiya civîna roja yekem de daxuyaniyek çapemeniyê lidar xist.
Jens Stoltenberg diyar kir ku di roja duyemîn ya civînê ango îro de, wê xalên derketina leşkerên NATO ji Efxanîstanê be.
Stoltenberg piştevaniya xwe ya ji bo pêvajoya aştiyê ya li Efxanistanê anî ziman û got:
Hebûna me ya li Efxanistanê girêdayî peymanê ye.
Talîban erkê ku dikeve ser milê xwe pêk bîne.
Dema wextê rast hat emê ji Efxanîstanê derkevin.
Niha xala sereke piştevaniya ji bo pêvajoya aştî ya li welate.
Sekreterê Giştî yê NATO îşaret bi nakokiyên navbera welatên endamê NATO’yê kir û daxuyakirin ku mijarên aloziya li Rojhilatê Derya Spî û sîstema S-400 û NATO dikarin bi şêwazên cuda werin nîqaşkirin.
Her wiha di civînê de jî mijara S-400’ên ku Tirkiye ji Rûsyayê kirî jî nehat nîqaşkirin.
Jens Stoltenberg balkişand li ser xerckirina welatan ji bo parastinê û ev tişt anî ziman:
Hevalbendên me yên Ewropa ji bo parastinê divê hîn zêdetir razemeniyê bikin û di vê mijarê de em hemfikrin.
Ev yek ne ji bo razîkirina DYA lê ji bo parastina berjewendiyên me divê were kirin.
Stoltenberg anî ziman ku pêşniyarên ji bo pêşxistina xebatên wan yên NATO 2030’an jî wê werin nirxandin.
