Di serdema Trump de têkiliyên Tirkiye bi DYA`yê re xweş bûn, lê êdî dewir guheriye û wê têkiliyên Tirkiye û DYA ne wekî berê bin.
Nûnerê DYA yê berê ê Sûrî James Jeffrey bi vê gotinê zehmetiyên li pêşiya dagirkeriya dewleta tirk ji bo Sûriyê nîşan da.
Jeffrey diyar kir ku têkiliyên Tirkiyê bi Rûsyayê re ne geş û xweş in.
Li aliyê din Wezareta Karên Derve ya DYA’yê Aimee Cutrona wek nûnera taybet a demkî ya Sûriyê erkdar kir.
Rêxistinên Fikrî yên li Washingtonê li Wilson Centerê panelek bi rêya online li dar xist.
Di panelê de mijara S-400 û qeyrana Sûriyê hate axaftin.
Yek ji kesên beşdarî panelê bû Nûnerê DYA taybet ê Sûrî yê berê James Jeffrey bû.
Jaffrey, derbarê têkiliyên di navbera Tirkiye û DYA de piştî hatina Biden axivî.
Li gorî nûçeya Ajansa Mezopotamya MA’yê, Jeffrey anî ziman ku heta Tirkiye di mijara S-400’an de ji helwesta xwe tawîzên hişk nede wê têkiliyên DYA û Tirkiye ne baş bin û wiha got:
“Trump ji Erdogan hez dikir.
Lê di serdema nû de dê ne wisa be.
Ev jî pirsgirêkek cidî ye.
Dê têkiliyên Tirkiye û Rûsya jî ne geş û xweş bin.”
Jeffrey îşaret bi danustandinên navbera Tirkiye û Rûsyayê de jî kir û ev tişt anî ziman:
Têkiliyên wan tev li hev in.
Rûsya li Idlib, Lîbya û Qerebaxê ji ber Tirkiyê gav paşve avêt.
Jeffrey, da zanîn ku êdî dewir guherî û wê têkiliyên Tirkiye û DYA ne wekî berê bin.
Pirsgirêka S-400’an qeyranek bi serê xwe ye.
Piştî Tirkiye ji Rûsya moşekên S-400 stendin, bandorek xerab li ser têkiliyên Tirkiye û DYA kir.
Divê Tirkiye li dijî Rûsya û S-400’an helwestên hişk nîşan bide.
Ger tawîzan nede, dê têkiliyên di navbera Tirkiye û DYA de erênî pêş nekeve.
DYA: Aimee Cutrona ji bo nûnertiya Sûrî hatiye destnîşankirin
Li aliyekî din Wezareta Karên Derve ya DYA’yê nûnera Nû ya Amerîka Taybet bi Sûrî diyar kir.
Wezaretê bi daxuyaniyekê eşkere kir ku Aimee Cutrona ya 2019`an Rêvebera Nivîsgeha Kar û Barên Rojhilatê Deryayê Spî û cîgira serokê şandeya ji bo Behreynê bû ji bo Sûrî hatiye diyarkirin.
Aimee Cutrona sala 1999`an li paytexta Etiyopyayê dest bi erka xwe kiribû û ji wê demê ve wek berpirseke siyasî li balyozxaneyên DYA’yê yên li Salvador, Qeter û Misirê kar kir.
Cutrona di gelek xebatên xurtkirina dozên jinan û têkoşîna li dijî bazirganiya mirovan de jî cih girtiye.
