Iraqê malovaniyeke dîrokî kir.
Welatê ji 2003’an ve şer, kuştin û alozî jê kêm nebûye pêşwazî li lîderê olî yê Katolîk Papa Francesco kir.
Bi vê serdanê re ev cara yekeme ku di dîrokê de papayek serdana Iraqê dike.
Papa serokwezîr û serokomarê Iraqê di nav de, gelek hevdîtin pêk anî.
Papa berê xwe da Necefê û li gel Rêberê Olî yê Şîeyên Iraqê Ayetullah Elî Sîstanî hevdîtinek pêk anî.
Aliyan peyama hevgirtinê da.
“Hûn hemû biran e” bi vê gotina ji Incîlê girtiye, Lîderê Kiliseya Katolîk Papa Francesco berê xwe da Iraqê.
Papa Francesco yê doh gihişt paytexta Iraq Bexdayê ji aliyê serokwezîr Mistefa Kazimî ve hate pêşwazîkirin.
Her wiha piştre jî li gel Serokomarê Iraqê Berhem Saleh civiya.
Ji duh ve Papa Francis li Iraqê hevdîtinan dike.
Papa Francesco yê 84 salî îro çû bajarê Necefê û bi Rêberê Olî yê Şîeyên Iraqê Ayetullah Elî Sîstanî yê 90 salî re re civiya.
Civîn ji çapemeniyê re girtîbû, pêk hat.
Papa û Sîstanî banga hevgirtinê kir
Piştî civînê ofîsa Sîstanî derbarê hevdîtinê de daxuyaniyeke nivîskî belav kir.
Li gorî daxuyaniyê;
Sîstanî ji Papa re gotiye gelên herêmê rastî zilm, zordarî, hejarî, çewisandina olî, fikrî û bêdengkirina azadiyê tên.
Divê kesayetên olî rola xwe ya di aliyê kêmkirina sitemkariyê de bilîzin.
Pêwîst e welatên cîhanê, ji zimanê şerxwaziyê dûr bikevin û red bikin.
Her wiha hate gotin ku aliyan behsa girîngiya jiyana hevbeş ya di nava hemû civakan de, li ser bingeha maf, rêzgirtina hevbeş ya di navbera olên cûda de, kirine.
Papa Francesco: Divê em biratiya xwe xurt bikin
Piştî civînê Papa berê xwe da bajarê Ur ê dîrokî.
Papa li wir ji aliyê kesayetiyên olî yên Şîe, Sunne, Êzdî û Sabîeyên Mendayî ve hat pêşwazîkirin.
Li bajarê Urê yê wilayeta Zîqarê Papa peyama hevgirtinê da û got:
Divê em biratiya xwe xurt bikin.
Beriya niha ti Papayekî serdana Iraqê nekiribû.
Serdana Papa ya ji Iraqê re piştî 15 meh ji tedbîrên vîrûsa Corona pêk hat.
Piştî tevdîrên vîrûsê cara yekem Papa serdanek ji bo welatên derve re dike.
