Rêber Apo destnîşan dike ku ji bo hevjiyana azad herî kêm bi qasî têkoşîna jina azad têkoşîna mêrê azad jî divê û wiha dibêje, “Kengî milkkirina jinê hat redkirin, ji cinsiyetparêziya civakî ya tê bikaranîn bi temamî bê bihurîn, di her asta civakî de wekhevî pêk hat, hevjiyana azad bi jinê re pêkan e.”
Rêber Abdullah Ocalan di beşa Parêznameya xwe ya Manîfestoya Civaka Demokratîk a 5’êmîn de balê dikişîne li ser têkiliyên jin û mêr û hevjiyana azad.
Rêber Ocalan dibêje di bingehê pirsgirêkên civakî de pirsgirêkên di têkiliyên jin û mêran de hene.
Rêber Ocalan diyar dike kengî mirov hewl bide pirsgirêkên civakî çareser bike, divê mirov hûrûkûr li ser diyardeya jinê bifikire, ji bo hewldanên wekhevî û azadiyê jiyana jinê bike çavkanî.
Rêber Apo wiha dibêje,
“Têkoşîneke azadî û wekheviyê ya jinê nexe navenda xwe, nikare bigihîje heqîqetê, nikare azadî û wekheviyê pêk bîne. Ji bo jiyaneke rast, ya bingeh ew e, divê mirov beriya her tiştî jinê terîf bike û rola wê ya di nava jiyana civakî de diyar bike.”
Rêber Apo diyar dike ku jin di nava civakê de kirine ne tiştek, deng jê nayê û li ser qirkirineke çandî tê meşandin.
Rêber Apo dibêje ku civakeke jinê di nav lepê jiyaneke bêmane de biperpitîne û binalîne, ew civak bi tenê dikare nexweş be.
“Jiyana bi jinê re divê ti carî weke cinsiyetparêziyeke ji bo dewamkirina xerîzeya cinsî û temendirêjiyê neyê şîrovekirin. Çi şaristanî, çi jî modernîteya kapîtalîst jiyana cinsiyetparêz a civakî gihandine asteke xeternak û heta ev jiyana cinsiyetparêz di tevahiya qadên zêhnî û sazî de neyê tesfiyekirin, bicihanîna hevjiyana azad ne pêkan e. Kengî milkirina jinê hat redkirin, di her asta civakî de wekhevî pêk hat, hevjiyana azad bi jinê re pêkan e.”
Rêber Ocalan diyar dike, li ser navê jiyanê gava pêşî ku ji bo civaka mirov bê avêtin divê derbarê hevjiyana azad de be û dibêje ku bi jina bêparastin û bûye milk hevjiyana azad ne pêkan e.
“Di têkiliyên hevjiyanê de asta bê pêkanîn çiqasî zanistî, hunerî û felsefî be, ewqasî jî wê gavavêtina jiyana sosyalîst pêkan be. Jin û mêrên bi jiyana sosyalîst ve girêdayî, kengî jiyana azad bi awayekî gerdûnî û kolektîf pêk anîn, dikarin û şensê wan heye bi awayekî taybet jî rast û xweşik bijîn.”
