Asayîşa PDK’ê bi rêbaza dewleta Tirk tevdiger e siyasetmedar, welatparêzên kurd û endamên HDP’ê yên Başûrê Kurdistanê binçavdikin zextê li wan dikin û sîxuriyê li wan ferz dikin.
Nûnertiya HDP’ê ya li Başûrê Kurdistanê ragihand ku asayîşa PDK’ê endamê wan ê bi navê Nîmet Guneş û Hesen Kaçar binçavkirine û sîxurtiyê li wan ferzdikin. Nûnertiya HDP’ê bang li rayedarên başûr kir ku endamê wan berdin.
Li Bakûrê Kurdistanê dewleta Tirk li Başûrê Kurdistanê jî PDK.
Asayîşa PDK’ê li ser daxwaza MÎT’a Tirk endamên HDP’ê yên ku ji ber zilma dewleta tirk xwe spartine beşek axa welatê xwe, wan binçav dike û sîxuriyê li wan ferz dike.
Herî dawî PDK’ê kesên bi navê Nîmet Guneş û Hesen Kaçar ku endamên HDP’ê ne binçavkir.
Nûnertiya HDP’ê ya li Başûrê Kurdistanê bi amadebûna malbatên Nîmet û Kaçar derbarê girtin û binçavkirina endamên xwe daxuyaniyek da.
Daxuyanî ji aliyê Endama Nûnertiya HDP’ê ya li Başûrê Kurdistanê Mizgîn Arî ve hate dayîn.
Mizgîn Arî zexta asayîşa PDK’ê şermezar kir û dazanîn ku PDK zexta, “ger nebin sîxur ewê wan radestî MÎT’a tirk bikin” li endamên wan dike.
Mizgîn Arî daxuyakirin ku endamên wan ji ber fikrê xwe yê siyasî rastî zilm û zordariya dewleta Tirk tên. Ew jî ji Bakurê Kurdistanê hatine Başûrê Kurdistanê ku mala wane jî. Bila Başûr jî li wan nekin zindan.
Mizgîn Arî ragihand ku dema ku asayîş bang li endamên wan dikin, sîxurtiyê li wan ferz dikin.
Mizgîn dazanîn ku ew li gor qanûnên Başûrê Kurdistanê li herêmê siyasetê dikin, lê nêzîkatiya asayîşa PDK’ê li hember endamê wan nayê qebûl kirin. Arî bang li rayedarên PDK”ê kir ku endamên wan berdin û vê siyaseta xwe ya qirêj biterîkînin.
Asayîşa Hewlêrê bi hinceta îmzekirina pelikekî 2’yê Sibata 2021’an bang li endamê HDP’ê Nîmet Guneş dike û ji wê ro ve di bin çavan de ye.
Çend roj berê jî PDK’ê welatparêz, siyasetmedarê Kurd Omer Bartanê ku ji ber zilma dewleta Tirk derbasî başûr bûbu, ji ber ku sîxuriyê qebûl nekir ji aliyê asayîşa Hewlêrê ve radestî MÎT a Tirk hate kirin.
