“Ger Tirkiye avê hîna kêm bike; em ê serî li dadgehên navnetewî bidin”

Herêm ji ber qutkirina ava Firatê ji aliyê Tirkiyê ve ber bi karesatekê ve diçe û weke her tim, her kes tenê temaşeker e.Hiqûqnas Hesen Mistefa piştrast dike “Heger dewleta Tirk kêmkirina herikîna ava Firatê bidomîne, ew ê serî li dadgehên navneteweyî bidin.” 

Piştî hemû têkçûn, binkeftin û jidestdana bawerî û têkiliyên navdewletî, îcar berê xwe da ava herêmê jî û di şerê xwe yê qirêj de ew jî bi kar anî..

Niha ava çemê Firatê gelekî kêm bûye û vê jî li ba xelkên herêmê metirsiyeke mezin çêkiriye.

Parêzer û Hevserokê Meclisa Sivîl a Reqayê Hesen Mistefa jî tekez dike “Li herêmê aloziyeke rastîn heye û sedem jî dewleta Tirk û qutkirina wê ya ji herikîna ava çemê Firatê re ye.”

Piştî ku Tirkiye di aliyê siyasî û leşkerî de têk çû, berê xwe da avê û dest bi bikaranîna vê çekê jî kir.

Çeka avê pir xeter e û dibe ku di pêşerojê de rê li ber şeran veke.

Piştî şer li ser berjewendiyên aborî ji bo petrolê pêk dianîn, dibe ku di pêşerojê de, şer ji bo avê jî rû bidin.

Çemê Firatê çemekî navneteweyî ye û di bin sîwana qanûnên navdewletî de ye, lê dewleta Tirk van qanûnan binpê dike.

Sedama paşguhkirina dewleta Tirk a van qanûnan, ew e koordîneyek di navbera hikumetên Sûriyê û Iraqê de ji ber hesasiyeta siyasî, tune bû.

Mistefa da zanîn ku dewleta Tirk rêgezên peymnên navdewletî paşguh kirin û xwe ji lihevkirinên di vî alî de hatine îmzekirin, dide alî.

Mistefa hêvî kir ku dewletên lihevkirina Helsinkiyê îmze kirine, fişarê li dewleta Tirk bikin da vê siyasetê biguherîne, yan jî, ew ê serî li dadgehên navneteweyî bidin.

Heger rewş bi vî rengî dewam bike, wê bi hezaran hektar zeviyên çandiniyê ziwa bibin, bandor li aboriya herêmê bibe, av û kehrebe jî ji ser tevahiya herêmê qut bibin.

Gelo heta wê demê, dem wê derbas nebûbe, ku Hikumeta Sûrî û Iraqê jinûve dengê xwe derxînin û sînorekî ji kirinên Tirkiyê re deynin?

Back to top button