Di êrîşeke hikûmeta Şamê li gundewarê Idlibê 5 çeteyên dewleta Tirk di nava kuştî û birîndaran de ne.
Li gorî Çavdêriya Sûrî ya Mafên Mirovan, li ser riya gundê El-Kinda yê li rojavayî yê Idlibê, hêzên hikûmeta Şamê du tirimpêlên leşkerî û motorsiklêtek bi fûzeyan hedef girtin.
Çavdêriya Sûrî got ku di êrîşê de, çeteyek girêdayî dewleta Tirk hat kuştin û 4 çeteyên din jî birîndar bûn.
Hikumeta Şamê deverên çeteyên li Idlib û Hemayê topbaran kirin
Şeva pêncşemê jî, hêzên hikumeta Şamê deverên çeteyan li gundewarê rojavayê Idlibê topbaran kirin.
Çeteyan jî nuqteyên hêzên hikumetê li başûrê Idlibê kirin hedef.
Herêmên El-Enkawî ya Sehil El-Xab a bakurê rojavayê Hemayê jî rastî êrîşên hikûmetê hatin.
Hêzên hikumeta Şamê û çeteyên dewleta Tirk bi çekên giran li eniyên şer ên Sehil El-Xab cihên hev topbaran kirin.