Torek sîxurtiyê ya MÎT’a Tirk ku ji aliyê Gerîlayên HPG’ê li başûrê Kurdistanê hatine girtin li kiryarên xwe mikur hatin.. Sîxuran di mikurhatinên xwe de bal kişandin li ser rêbazên qirêj ê dewleta Tirk û Saziya Parastin a bi ser PDK’ê ên ji bo sîxurtiyê û diyar kirin ku ew hatine êşkencekirin heta ku ev kar kirine.
Gerîlayên HPG’ê li başûrê Kurdistanê torek sîxurtiyê ya MÎT’a Tirk girt.
Stêrk Tv têkildarî wê torê bernameyek taybet bi navê ”NOKER” weşand û doh beşa yekem derket.
Mikurhatinên wan sîxuran ku bi xwe ji başûrê Kurdistanê ne, di nava bernameyê de cih girt..
Sixûrên ku bi darê zorê hevkariya MÎT’ê kirine balê dikişînin ser rêbazên qirêj ê dewleta Tirk ên ji bo sîxurtiyê.
Sîxuran diyar kir ku dewleta Tirk bi alîkariya Asayîş û îstîxbarata PDK’ê îşkence li wan kiriye da ku bibin sîxur..
Sîxur Ebdullah Xidir diyar kir ku jêre hatî gotin ew ji bo MÎT’a Tirk kar dike û kesê ku ji wan re agahiyan li ser Gerîla bîne ew ê pereyan zêdetir bidin wan.
Sîxur Ebdullah anî ziman ku agahî li ser berpirsyarên PKK’ê yên mezin jê dihat xwestin ew jî beramberî çenteyên tijî pere.
Sîxur Egîd Taha Ebdullah jî dibêje ku wî gelek dîmenên cihên gerîla û rêyên ku têre diçin û tên ji MÎT’ê re şandiye.
Sîxur Yûsif Ezîz da zanîn ku wî ji neçarî sîxurtî ji MÎT’ê re kir, jê hat xwestin navê kesê ji başûr tevli gerîla dibin eşkere bike.
Eger ku bi vî karî ranebe jî gefa kuştina dayik û dergîstiya wî hatî xwarin.
Yûsif Ezîz dibêje ku wî navê hin kesên ku ji başûr tevlê bûn da wan, wan jî bi ser malê wan de digirtin û êşkence li malbatan dikirin.
Sîxur Qehreman Ebdullah jî li kiryarên PDK’ê mikur hat û da zanîn ku asayîşa PDK’ê lê xistiye heta ku qebûl kiriye ji MÎT’ê re sîxurtiyê bike.
Qehreman li xwe mikur hat ku wî wêneyên dola Bedran ji wan re şand piştre jî balafirê hat û li wir da.
Sîxur Tuwana Hecî jî dibêje ku asayîşa PDK’ê jêre gotiye heta ku ti ji mere li ser gerîla agahî neyne em ê fonê te qut bikin.
