Li ser vê bangewaziya fermandarê giştî yê QSDê Mezlûm Ebdî, îro PYNK ji bo temamkirina danûstandinên di navbera wan û ENKS’ê de, daxuyaniyek da.
Partiyên Yekîtiya Nîştimanî ya Kurdî (PYNK) ragihand ku diyalogên stratejîk ên bi ENKS’ê re berdewam in û wê bigihêjin lihevkirineke giştî ku di encamê de lêvegereke Kurdî ya bilind û giştî çêbibe.
PYNK got:
Wê serkeftina diyalogan roleke girîng ji bo xurtkirina ewlehiya li Bakur û Rojhilatê Sûriyê bilîze û bibe bingeha çareseriya siyasî ya aloziya Sûriyê bi giştî.
PYNK’ê di dawî de bang li hemû hêzên Kurdî û neteweyî kir ji bo piştgiriya diyalogan hewldanan bikin.
