Li sînorên Ukrayna tevgera leşkerî fikarên Ewropa û DYA zêde kiriye.
NATO ragihand ku ew ji zêdekirina leşkerên Rûs yên li herêmê bifikarin û konsolê NATO yê li welat civiyan.
Wezîrê Parastinê yê DYA jî bi awayekî eşkere piştevaniya xwe ya bi Ukrayna re anî ziman.
Rewşa bi aloz ya li Ukrayna zêde dibe.
Li sinorê Ukrayna careke din metirsiya tevgera Moskova ya leşkerî xwe daye der.
Rêveberek yê NATO ku ji ajansa Reutersê re axivî diyar kir ku Rûsya di bin têkliyên aştiyane re tevgerên cuda dike.
Hevalbendên NATO bi giştî ji hewildanên Moskova yên li sînorê Ukrayna bifikarin.
Tîrmeha 2020’an agirbesta hatibû binpêkirin û 4 leşkerên Ukranî hatibûn kuştin.
Ji ber vê yekê NATO careke din ji zêdebûna tevgera leşkerî ya Moskova li herêmê bifikare.
Sefîrên NATO yên li Ukrayna ji ber hewildanên tundiyê yên li rojhilatê Donbassê li hev civiyan.
Piştî van tevgeran DYA jî fikarên xwe nîşan da.
Berdevkê Wezîrê Karên Derve yê DYA Ned Price li dijî helwestên tundî û gefxwarinê yên li hember Ukrayna aciziya xwe nîşan da.
Her wiha Wezîrê Parastinê yê DYA Lloyd Austin jî bi hempîşeyê xwe yê Ukrayna Andrii Taran re peywendiyek ya telefonî encam da.
Austin piştevaniya xwe ya bi Ukrayna re careke din anî ziman.
Zelenski: Moskova bi hêza leşkerî dixwaze çav bitirsîne
Serokomarê Ukrayna Volodimir Zelenski doh ragihandibû ku Moskova bi despêkirina tetbîqata leşkerî dixwaze hêza xwe nîşan bide û tirsê belav bike.
Rûsya: Moskova li dijî tevgerên NATO tevdîran digre
Ev bertek û nerehetiya li nava NATO û DYA ji aliyê Moskova ve bêbingeh tê destgirtin.
Berdevkê Kremlînê Dmitriy Peskov jî sedema tetbîqata leşkerî bi hewildanên NATO yên li sînor ve girêda.
Dmitriy Peskov hebûna tevgera leşkerî piştrast kir û got:
Rûsya di nava sînorê xwe de, li gorî daxwaza xwe dikare hêzên xwe ya leşkerî bide tevgerkirin.
Divê ev yek kesê aciz neke. Ev ji bo kesê negefe.
Peskov ev hewildan bi tevgera zêde ya hêzên NATO li sînorê welat ve girê da û ev tişt anî ziman:
Rûsya ji bo parastina sînorê xwe tevdîrên pêwist digre.
Bi dirêjahiya sînorê Rûsya, tevgerek ya bicihkirina hêzên NATO û welatên din heye.
Ev hemû me neçar dihêlin ku em her amade bin.
Hîna ev helwesta Kiremlinê di rojevê de, Dmitriy Peskov daxuyaniyek din ya atmosferê hîn germtir bike da.
Peskov got,
Di rewşek ya şandina leşkerên DYA ji bo herêmê, wê Rûsya bêdeng nemîne.
Moskova wê ji bo parastina netewî gavên hîn zêdetir biavêje.
