Aloziya derketina DYA ji bernameya Peymana Nûkleerî ya bi Îranê re, bû yek ji aloziya sereke ya navbera aliyan.
Bi hatina Serokê DYA Biden re careke din hêviya vegera li peymanê derketibû.
Herçiqasî Biden naxwaze lezê bike jî lê zextek zêde ya Tahranê heye û ji ber vê yekê wê nûnerên DYA û Îranê 6’ê Nîsanê li Vîyana bin.
Bernameya Peymana Nûkleerî ku yek ji xala aloziya sereke ya navbera Amerîka û Îranê de ye, careke din di rojevê de germ bûye.
Berdevkê Wezareta Karê Derve ya DYA Ned Price têkildarî mijarê di daxuyaniya çapemeniya rojane de agahî da.
Price diyar kir ku wê aliyên peymanê yên Ewropa, Rûsya û Çînê têkildarî paşeroja peymanê li hev bicivin.
Price da zanîn ku wê danustandin 6’ê Nîsanê li Awusturalyê pêk were û got;
Em li bendê ne ku wê danustandin zehmet derbas bibe.
Yek ji berpirsê payabilind yê YE jî ragihand ku ew li bendêne di nava du mihan de bigihêjin lihevkirinekê.
Dîplomatek din yê Ewropî daxuyakirin ku wê nîqaş li ser wê bê kirin ku ka Amerîka wê kîjan pêkanînên li dijî Îranê rake.
Wezîrê Karê Derve yê Îranê Mihemed Cewad Zerîf jî bi rêya peyameke li ser hesabê xwe yê Twitterê peyamek weşand û got:
Armanc bi wayekî beşî rakirina toleyên li ser welate. Bivê ve girêdayî bi şêwazekî parelel tevdîrên ji bo parastina nûkleerî xistina dewrê ye. Îran-DYA wê lihev ne civin. Pêwistî bivê nake.
Dîplomatek payabilind yê Amerîka diyar kir ku di nava şandya DYA ya biçe Viyana de, Nûnerê welat yê Taybet bi Îranê Robert Malley û Şêwirmendê Ewlekariya Netewî Jake Sullivan heye.
Dîplomat careke din piştrast kir ku wê di navbera şandyên Waşîngton û Tahranê de civînek raste rast pêk neyê.
Wezîrê Karê Derve yê Almanya Heiko Maas jî keyfxweşiya xwe ya ji nîşaneyên danustandina navbera aliyan de da.
2015’an Îranê li gel, 5 welatên Konseya Ewlekariya NY yên dayîmî û Almanya peymanek îmza kirin.
Lê Serokê berê yê DYA Donald Trump bi awayekî yekalî ji peymanê vekişiya û dest bi ferzkirina cezayên li dijî Îranê kir.
Lê welatên din yên girêdayî peymanê, Îngilistan, Fransa, Çîn, Rûsya û Almanya ji gava Trump nerazî bûn.
Her çiqasî Serokê DYA Joe Biden dixwaze li peymanê vegere, lê heta niha nayê zanîn bê ka wê gava yekem ji aliyê kîjan alîve were avêtin.
