Derya Reş germ dibe, li Derya Spî jî amadekariyên şandina keştiyên şer tê kirin.
Krîza di navbera Ukrayna û Rûsya de ji 2014’an heta niha di dema xwe ya herî bi aloz de ye.
Rûsya di nava 10 rojan de 20 hezar leşker şandiye sînorê Ukrayna.
Amerîka jî keştiyên şer dişîne Derya Spî.
Rewş ji her demê aloztire.
Di nava rojên dawiyê de careke din aloziya navbera Rûsya û Ukraynayê de zêde bûye.
Rûsya ragihand ku ger pêwist bike wê destwerdanê bike, Dewletên Yekbûyê yên Amerîka (DYA) jî keştiyên şer dişîne Derya Spî.
Piştî aloziya ku 2014’an di navbera Kiev û Moskovayê de derketî, yekem care herdu welat li hev ewqas sor bûne.
Alîkarê Serokê Rêveberiya Serokdewletê Rûsya Dmitriy Kozak ragihand ku ji ber rewşa li herêma Donbas ya rojhilatê Ukrayna, ger pêwist bike ji bo parastina welatiyên xwe em ê destwerdanê bikin.
Her tişt girêdayî wêye ku ka wê agir çiqasî gurbe.
Gurbûna şerê li herêmê dibe ji bo Ukrayna despêka dawiyê be.
Ev gotin, weke axaftinên herî tuj yên di nava salên dawî ji krîza navbera Kîev û Moskovayê de tê nîşandan.
Aloziya demên dawî navebera welatan de ji ber tevgera veguhestina leşkerên zêde ya Rûsya ji bo sînorê Ukraynayê ye.
Tê gotin ji dawiya meha Adarê heta niha Moskova nêzî 20 hezar leşker ji bo sînor veguhestine.
DYA jî di her fersendê de piştevaniya xwe ya ji bo Kîevê radigihînin.
Serokê DYA Joe Biden, Wezîrê Karên Derve Antony Blinken, Wezîrê Parastinê Lloyd Austin, Sererkanê Artêşê Mark Milley û Şêwirmendê Parastina netewî Jake Sullivan bi hempîşeyên xwe yên Ukranya re axivîn û piştevaniya Waşîngtonê ragihandin.
Amerîka: Em difikirin keştiyên şer bişînin Derya Spî
Ev piştevaniya Amerîka li ser rûyê erdê jî xuya dike.
Berpirseke payebilind yên Wezareta Parastinê ya Amerîka (Pengeton) di axaftina xwe ya bi CNN re kirî ragihand ku ji bo piştevaniya bi Kievê re ew difikirin di nava hefteyên pêşde keştiyên şer bişênin Derya Spî.
Berpirsê Pentegonê diyar kir ku ew ji nêz ve tevgera leşkerî ya Rûsya ku li sînorê Ukrayna pêk tîne dişopînin.
Li gorî Peymana Montro ya 1936’an ger Amerîka bixwaze keştiyên xwe ji Derya Spî derbasî Derya Reş bike, divê beriya vê bi 15 rojan Tirkiye agehdar bike.
Berpirsên Amerîka dibêjin, piştî kîrza 2014’an Kirîm a navbera aliyan de heta niha ticarî Moskova veguhestinek leşkerî ya di vê astê de ji bo sînorê Ukrayna ne hatiye şandin.
Li sînorê welat rewşa aloze û tilî li ser tetîkê ne.
Di her kêliyê de dibe rewşa heyî aloztir bibe.
