Ne pabendbûna me ya bi tevdîrên vîrûsê re, dihêle şêwazê jiyana me hîn zehmetir bibe. Rêveberiya Daîreya Tendirustiyê ya Meclisa sivîl a Reqayê yê jî îşaret bi vê yekê kir û ragihand ku kesên ku jiyana xwe ji dest dane zêde bûye.
Şaredariya Gel a bajar jî di dema qedexeya derketinê de, dest bi hemleya dezenfektekirina bajêr kir.
Li Bajarê Reqayê, tevî ku Rêvberiya Xweser a Bakur û Rojhilatê Sûriyê qedexeya giştî ya derketina derve di 6 ‘ê Nîsanê de ragihadibû lê encamên dihatin xwestin nahatin bidestxistin.
Nepabendbûna bi tevdîrên ku hatine ragihandin re rewşa heyî zehmetir dike.
Daneyên pêketina vîrûsê li bajar zêde bûne.
Endamê rêveberiya Daîreya Tendirustiyê ya Meclisa sivîl a Reqayê Elî Ebdilezîz têkildarî vê yekê ji ajansa ANHA’yê re axivî.
Elî Ebdilezîz diyar kir ji ber ku şêniyên Reqayê li gor birayara qedexeya giştî tevnagerin, hejmara pêketî û kesên ku ji ber vîrûsê jiyana xwe ji dest dane zêde bûye.
Ebdilezîz destnîşan kir ku test ji zêdetirî 353 kesan re çêkirine, ji wan 181 bi vîrûsê ketine û 14 kes jî jiyana xwe ji dest dane.
Ji ber vê yekê jimara pêketiyan pir zêde ye, lê şênî testa Corona çênakin û ger rewş bi vê rengî dewam bike dê aloztir bibe.
Endamê rêveberiya Daîreya Tendirustiyê ya Meclisa sivîl a Reqayê Elî Ebdilezîz teqez kir ku pêla nû ya vîrûsê ji ya berê pir xurtir e û jimareke mezin ji ciwanan pêdikeve.
Elî Ebdilezîz dazanîn ku derfetên dermankirinê jî di destê wan de kême û bang li şêniyan kir ku bi birayra qedexeya derketinê pabned bin û dernekevin derve.
Şaredariya Gel a bajarê Reqayê dest bi dezenfektekirina bajêr kir
Li aliyekî din, Şaredariya Gel li bajarê Reqayê di dema qedexeya derketinê de, dest bi dezenfektkirina sazî û avahiyên bajêr kir.
Şaredariyê li ser çar qonaxan dest bi hemleya dezenfketiyê kir.
